Нуқра Раҳматова

Мавод аз Википедиа — донишномаи озод
Jump to navigation Jump to search
Нуқра Раҳматова
Санаи таваллуд

2 январ 1942(1942-01-02) (77 сол)

Зодгоҳ

деҳаи Бартанг, ноҳияи Рӯшон, ВАБК

Кишвар

 Тоҷикистон

Касб(ҳо)

овозхон

Ҷоизаҳо

Ҳунарпешаи халқии ҶШС Тоҷикистон— 1977

Нуқра Раҳматова (тав. 2 январи 1942, деҳаи Бартанги ноҳияи Рӯшон, ВАБК) — сарояндаи тоҷик (сопранои лирикӣ), Артисти Халқии РСС Тоҷикистон (1977).

Зиндагинома[вироиш]

Аввал ҳаваскор буд, аъзои дастаи ҳаваскорони санъати мактаби миёна. Соли 1958 солисткаи Ансамбли тарона ва рақси Помири Филармонияи давлатии Тоҷикистон. Солҳои 1963—67 донишҷӯи шӯъбаи вокалии Омӯзишгоҳи мусиқии шаҳри Душанбе. Аз соли 1967 солисткаи Ансамбли мақомхонон. Репертуари Раҳматова аз сурудҳои халқҳои Союз Советских Сотсиалистических Республик СССР (тоҷикӣ, ӯзбекӣ, озарӣ, русӣ ва ғайра) ва шарқи хориҷӣ (афғонӣ, арабӣ, эронӣ) иборат аст. Дар ҳайати ҳунарпешагони Филармонияи давлатии Тоҷикистон дар шаҳрҳои Иттифоқи Советӣ ва Афгонистон (1962, 1968, 1973), Муғулистон (1970), Сурия ва Ироқ (1977) бо программаҳои консертӣ баромад кардааст. Маҳорати сарояндагии ӯ махсусан дар иҷрои сурудҳои лирикӣ зоҳир мешавад. Раҳматова дар филми «Коваи оҳангар» (1960) роли духтари кӯҳсорро бозид. Раҳматова— иштирокчии Фестивали 6-уми уму-миҷаҳонии ҷавонон ва студентон дар Москва (1957) ва Даҳаи адабиёт ва санъати тоҷик дар Қирғизистон (1976).

Ҷоизаҳо[вироиш]

Бо Грамотаҳои Фахрии Комитети Марказии Иттифоқҳои касаба ва Комитети телевизион ва радиои СССР қадрдонӣ шудааст.

Эзоҳ[вироиш]

Сарчашма[вироиш]

Энсиклопедияи Советии Тоҷик Мақола дар асоси маводи Энсиклопедияи Советии Тоҷик навишта шудааст.