Оғоҷии Бухороӣ
| Номи пурра | Абулҳасани Оғоҷӣ Алӣ ибни Илёс |
|---|---|
| Навъи фаъолият: | шоир |
Абулҳасани Оғоҷӣ Алӣ ибни Илёс, маъруф ба Оғоҷӣ ё Ағаҷӣ (соли таваллуд ва вафот номаълум) — шоири форс-тоҷик (асри 10).
Зиндагинома
[вироиш | вироиши манбаъ]Ҷараёни зиндагӣ ва фаъолияти шоирии ӯ дар зодгоҳаш Бухоро гузаштааст. Баъди дар илму дониш ва шоирӣ шуҳрат ёфтан, ӯро соли 977 ба дарбори шоҳи сомонӣ – Нӯҳ ибни Мансур (ҳукмронӣ 976 – 997) даъват намуданд. Абулҳасани Оғоҷӣ ба забони арабӣ ва форсӣ-тоҷикӣ шеър эҷод мекард. Муаллифи тазкираи «Ятимат-уд-даҳр» Абумансури Саолибӣ қайд мекунад, ки Абулҳасани Оғоҷӣ аз шоирони cоҳибдевон буда, девони ашъораш дар Хуросон машҳур аcт. Мутаассифона, девони ашъори ӯ то ҳол дастрас нагардидааст. Аз мероси адабии ӯ имрӯз 39 байт дарёфт шудааст. Шоир дар абёти парокандаи худ аз носозгории замон, қадру қимат надоштани аҳли илму ҳунар шикоят кардааст. Абёти зерин аз ӯст:
- Туро фазилат бар хештан тавонам дид,
- Валек фазлат – номардумисту бехирадӣ.
- ***
- Дар гили ғурбат зи по башлиданам,
- Нест мумкин рӯи ёрон диданам.
- ***
- Тар аст замин зи дидагони ман,
- Чун пой биниҳам – ҳаме фурӯ лағзам.
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Заҳрои Хонларӣ, Роҳнамои адабиёти форсӣ, Т., 1340 ҳ. ш.;
- Ашъори ҳамасрони Рӯдакӣ, Д., 2007.
Сарчашма
[вироиш | вироиши манбаъ]- А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.