Пирмуҳаммад Кулолии Самарқандӣ
| Пирмуҳаммади Кулолии Хонанда | |
| Зодгоҳ | ш. Самарқанд |
| Таърихи даргузашт | 1546 |
| Пеша(ҳо) | навозанда,сароянда |
Кулолии Пирмуҳаммади Самарқандӣ (устод Пирмуҳаммади Кулолии Хонанда, с. тав. номаълум, Самарқанд, с. ваф. 1546, Самарқанд), сароянда, навозанда, мусиқидони тоҷик. Косибӣ (кулолгарӣ), мусиқӣ ва шеърро дар зодгоҳаш аз падараш омӯхта, сипас назди Устод Алиакбари Қонунӣ, Хоҷа Ҷаъфари Қонунӣ мусиқӣ омӯхта, муддате ба Бухоро рафта, аз Кавкабии Бухороӣ дарси мусиқӣ андӯхтааст Пирмуҳаммади Самарқандӣ боз ба Самарқанд баргашта, ба ҳайати ҳунарии Хоҷа Ҷаъфари Қонунӣ ворид шуда, дар заминаи шеъру мусиқӣ (таснифофарӣ) донишашро такмил дода, дар жанр, шакл, анвои шеърию мусиқии «қавл», «амал», «рехта», «кор», «савт», «нақш» ва ғ. аса-рҳои ҷолибе меофарад Пирмуҳаммади Самарқандӣ ки дар пешаи косибӣ (кулолгарӣ), сохтани зарфу олоти нафиси рӯзгор, ороиши иморот (кошикорӣ) шуҳрати зиёд дошт ва бештар дар асарҳояш намояндагони ин табақаи ҷомеаро тавсиф менамудааст. Таснифоти ба мақомҳои «Кӯчак», «Бузург», «Наво», «Ушшоқ», «Ҳусайнӣ» ва ғ., ки бар усулҳои «Уфар», «Барафшон», «Чанбар», «Шодиёна» «Амали кӯзагорон», «Нақши кулол», «Савти Ку-лолӣ» офарида аст, дар ҳаёти мусиқии Самар-қанд шуҳрати зиёд касб намуда, ғазалро некӯ ме-гуфтааст (бо тахал. «Кулолӣ»).
Адабиёт[вироиш | вироиши манбаъ]
Дарвешалии Чангӣ, Рисолаи мусиқӣ, Р:700-5-III, ИВАН Уз.ССР; Зинату-л-маҷолис, Р:4229, ИВАН Уз.ССР; Нисорӣ, Музаккиру-л-аҳбоб, Р:4282, ИВАН Уз. ССР; Муҳиту-т-таворих, Р:836, ИВАН Уз.ССР; Эн-циклопедияи адабиёт ва санъати тоҷик, ҷ.2, Душ., 1989.[1]
Ҳамчунин нигаред[вироиш | вироиши манбаъ]
Сарчашма[вироиш | вироиши манбаъ]
- ↑ Донишномаи Шашмақом./Зери таҳрири Олимов К., Абдувалиев А., Азизӣ Ф., Раҷабов А., Ҳакимов Н. – Душанбе, 2009. - с. 103-104 ISBN 978-99947-49-13-3
|
Ин мақолаи хурд аст. Бо густариши он ба Википедия кӯмак кунед. Дар сурати имкон ин ёддошт бояд дақиқтар ҷойгузин шавад. |