Саъдулло Азизбоев

Мавод аз Википедиа — донишномаи озод
Jump to navigation Jump to search
Саъдулло Азизбоев
Саъдулло Азизбоев
Таърихи таваллуд 1932(1932)
Зодгоҳ ноҳияи Истаравшан ҶШС Тоҷикистон
Таърихи даргузашт 1998(1998)
Маҳалли даргузашт ноҳияи Истаравшан
Солҳои фаъолият 1995 - 1997
Кишвар  Тоҷикистон
Пеша(ҳо) сароянда, коргардон
Ҷоизаҳо {| style="background:transparent" |Ордени «Нишони Фахрӣ»

Саъдулло Азизбоев (1932, деҳаи Лакати ноҳияи Истаравшан1998, ҳамон ҷо) — сароянда (тенори лирикӣ) ва режиссёри тоҷик. Ҳофизи халқии ҶШС Тоҷикистон (1963).

Зиндагинома[вироиш | вироиши манбаъ]

Саъдулло Азизбоев хатмкардаи омӯзишгоҳи педагогии Ӯротеппа (1953). Фаъолияти ҳунарияш дар дастаи ҳаваскорони санъати омӯзишгоҳ оғоз ёфтааст. Як муддат муаллим ва роҳбари бадеии дастаи ҳаваскорони санъати мактаби миёнаи деҳаи Лакат (1955-1959), роҳбари бадеии дастаи ҳаваскорон (1959-1962) ва директори Хонаи маданияти ш. Ӯротеппа (1902-1966), артисти Театри драмаи мусиқии ноҳияи Нов (1966-1967) буд. Аз с. 1967 директори Хонаи маданият ва режиссёри Театри халқии ш. Ӯротеппа.

Азизбоев чун сарояндаи хушсадо махсусан дар иҷрои сурудҳои классикӣ маҳорати калон зоҳир намудааст. Сурудҳои «Ушшоқи Самарқанд», «Ушшоқи Содирхон», «Ироқ», «Дугоҳ» ва ғ. аз беҳтарин оҳангҳои иҷрокардаи ӯянд. Азизбоев инчунин дар саҳнаи театри халқии Уротеппа зиёда аз 20 пиесаҳои хурду калон («Зафар»-и Р. Ҳайдаров, «Орзу»-и М.Назаров, «Супориши ЧК» ва «Дилшод»-и А. Сидқӣ, «Лаҳзаи ҷовид»-и М. Бахтӣ, «Сияҳсавор»-и Б. Раҳимзода ва ғайра)-ро таҳия намудааст.

Ҷоизаҳо[вироиш | вироиши манбаъ]

  • Дорандаи ҷоизаҳои фестивалҳои умумииттифоқии ҳаваскорони санъат (1975, 1977).
  • Бо ордени «Нишони Фахрӣ», медалҳо ва Грамотаҳои Президиуми Совети Олии ҶШС Тоҷ. сарфароз гардидааст.

Эзоҳ[вироиш | вироиши манбаъ]

Сарчашма[вироиш | вироиши манбаъ]