Сироҷиддин Пардаев

Мавод аз Википедиа — донишномаи озод
Jump to navigation Jump to search

Сироҷиддин Аҳмадович Пардаев (тав. 18.03.1962, ноҳияи Сариосиёи ҶШС Ӯзбекистон), сиёсатшинос, номзади илмҳои сиёсӣ (1998), дотсент (2002).

Зиндагинома[вироиш]

Солҳои 1985–1991 дар факултети филологияи руси Донишкадаи давлатии омӯзгории ш. Душанбе ба номи Т. Г. Шевченко таҳсил намудааст. Солҳои 1991–1993 ассистенти кафедраи сиёсатшиносии донишкадаи омӯзгории пойтахт, 1993–1994 коромӯз- тадқиқотчии шӯъбаи этнологияи Институти фалсафа ва ҳуқуқи АИ Тоҷикистон, 1994–1997 аспиранти кафедраи сиёсатшиносии донишгоҳи омӯзгорӣ буд. Аз соли 1997 то 2015 муаллими калон ва дотсенти кафедраи сиёсатшиносии Донишгоҳи давлатии омӯзгории Тоҷикистон ба номи Садриддин Айнӣ буд. Аз соли 2015 дотсенти кафедраи муносибатҳои байналмилалӣ ва дипломатияи Донишгоҳи славянии Русияву Тоҷикистон мебошад. [1]Муаллифи 3 асар ва зиёда аз 20 мақолаҳои илмӣ ва илмию методӣ аст. Дар таълифотҳояш масъалаҳои глобалии экологӣ, муносибатҳои миллӣ, ташаккули давлати ҳуқуқӣ, демократикунонии ҷомеа ва рушди ҷомеаи шаҳрвандиро баррасӣ намудааст. Бо нишони сарисинагии «Аълочии маорифи Тоҷикистон» (2002) қадр карда шудааст. Узви Шӯрои минтақавӣ оид ба ҳимояи рисолаҳои номзадӣ дар бахши сиёсатшиносӣ дар Донишгоҳи миллии Тоҷикистон мебошад.

Осор[вироиш]

  • Некоторые особенности формирования политической культуры в условиях демократизации общественной жизни (к постановке вопроса), Д., 1997;
  • Тарбияи донишҷӯён дар рӯҳияи Ваҳдати миллӣ ва эҳёи Тоҷикистон, Д., 1998;
  • Идеяи миллӣ – ҳамчун асоси бунёди ҷомеаи навин дар Ҷумҳурии Тоҷикистон, Д., 2006;
  • Особенности становления внешней политики суверенного Таджикистана и его связи со странами СНГ (бо ҳаммуаллифӣ), Д., 2007;
  • Особенности приобретения национальной независимости и суверенитета таджикского народа // Вестник ТГПУ, № 4, 2001.

Пайвандҳои беруна[вироиш]

Эзоҳ[вироиш]