Туйғун Расулов

Туйғун Расулов
Туйғун Расулов
Таърихи таваллуд	25 апрел 1964(1964-04-25) (59 сол)
Зодгоҳ	ноҳияи Айнӣ, ҶШС Тоҷикистон, ИҶШС
Кишвар	Тоҷикистон
Фазои илмӣ	иқтисод
Ҷойҳои кор	Донишгоҳи давлатии омӯзгории Тоҷикистон ба номи Садриддин Айнӣ, Академияи Вазорати корҳои дохилии Тоҷикистон, Донишгоҳи байналмилалии сайёҳӣ ва соҳибкории Тоҷикистон
Дараҷаи илмӣ:	номзади илмҳои иқтисод
Унвонҳои илмӣ	дотсент
Алма-матер	Донишгоҳи давлатии Тоҷикистон ба номи В.И. Ленин

Туйғун Расулов (тав. 25.04.1964, н. Айнӣ) — омӯзгор ва ҳуқуқшинос, номзади илмҳои иқтисод, дотсент.

Зиндагинома

Туйғун Расулов солҳои 1981-1982 дар китобхонаи Донишгоҳи омӯзгории шаҳри Қурғонтеппа ба ҳайси китобхоначӣ фаъолият намудааст. Солҳои 1982- 1985 донишҷӯи шуъбаи рӯзонаи факултаи Баҳисобгирию иқтисодии Донишгоҳи миллии Тоҷикистон. Солҳои 1987-1988 донишҷӯи факултаи Баҳисобгирию иқтисодии Донишгоҳи миллии Тоҷикистон. Солҳои 1988-1989 муҳосиби калони шуъбаи сохтмони капиталии заводи трасформаторбарории шаҳри Қурғонтеппа. Солҳои 1989-1990 котиби озоди Кумитаи комсомолии трести Қурғонтеппасохтмон. Солҳои 1990-1992 муовини сармуҳосиби муассисаи яс-3/1 Раёсати ислоҳоти меҳнатии вазорати корҳои дохилии Ҷумҳурии Тоҷикистон. Солҳои 1992-1993 сардори шуъбачаи бо хӯрока таъминкунии шуъбаи хоҷагидории Мактаби Олии милитсия. Солҳои 1993-1996 муовини сардори шуъбаи молиявию иқтисодии Мактаби олии милитсияи ВКД Ҷумҳурии Тоҷикистон. Солҳои 1996-2001 сардори шуъбаи молиявию иқтисодии Академияи ВКД Ҷумҳурии Тоҷикистон. Солҳои 2001-2002 Омӯзгори калони кафедраи фаъолияти оперативӣ-ҷустуҷӯии мақомоти корҳои дохилии Академияи ВКД Ҷумҳурии Тоҷикистон. Солҳои 2002-2009 сардори шуъбаи молиявию иқтисодӣ, сардори кафедраи фанҳои ҷамъиятии Академияи Вазорати корҳои дохилии Тоҷикистон ва муовини фармондеҳи Қушунҳои дохилии ВКД Ҷумҳурии Тоҷикистон. Солҳои 2009-2011 Омӯзгори фанни таърих ва ҳуқуқи мактаби таҳсилоти умумии рақами 98-и шуъбаи маорифи н. Фирдавсии шаҳри Душанбе. Солҳои 2011-2013 мудири кафедраи баҳисобгирии муҳосибӣ таҳлил ва аудити Донишгоҳи давлатии омӯзгории Тоҷикистон ба номи Садриддин Айнӣ. Солҳои 2013-2017 дотсенти кафедраи Назарияи иқтисодии Донишгоҳи Аграрии Тоҷикистон ба номи Шириншоҳ Шотемур. Солҳои 2018-2019 дотсенти кафедраи менеҷменти молиявии Донишгоҳи давлатии молия ва иқтисоди Тоҷикистон. Аз соли 2019 то ҳол 572 дар вазифаи дотсенти кафедраи баҳисобгирии муҳосиби таҳлил ва аудити Донишгоҳи байналмилалии сайёҳӣ ва соҳибкории Тоҷикистон кор мекунад. Номбурда дорои 16 китоби дарсӣ, зиёда аз 121 мақолаи илмӣ ва фишурдаи баромадҳо мебошад. Бо Ифтихорномаҳои ВКД-и Ҷумҳурии Тоҷикистон (2005), Вазорати маориф ва илми Ҷумҳурии Тоҷикистон (2008) ва Академияи ВКД Ҷумҳурии Тоҷикистон (2015) сарфароз шудааст.

Осор

• Основы бухгальтерского учета и судебно-бухгальтерская экспертиза. Д.,1997;
• Бухгальтерский учет в бюджетних организациях (учебное пособия). Д., 2000;
• Назарияи иқтисодӣ. Д., 2004;.
• Назарияи омор. Д., 2006;
• Таҳлили иқтисодӣ. Д., 2008;.
• Назарияи ҳисобгирии муҳосибӣ. Д., 2012;
• Луғати истилоҳотии баҳисобгирию иқтисодӣ. Д., 2015;
• Баҳисобгирии муҳосибӣ (молиявӣ) ва таҳлили фаъолияти хоҷагидорӣ. Д., 2015;
• Баҳисобгирии муҳосибии идоракунӣ. Д., 2015;.
• Педагогика. Д., 2015;
• Назарияи иқтисодӣ. Д., 2004 (ҳаммуаллиф);
• Баҳисобгирии муҳосибӣ ва аудит. Д., 2019 (ҳаммуаллиф);
• Асосҳои баҳисобгирии бухгалтерӣ ва экспертизаи судӣ. Д., 2019 (ҳаммуаллиф);
• Баҳисобгирӣ ва ҳисобот дар хазинадорӣ. Д., 2019 (ҳаммуаллиф);
• Стандартҳои байналмиллалии ҳисоботи молиявӣ. Д., 2019 (ҳаммуаллиф);
• Ташхиси (экспертиза) муҳосибӣ судӣ. Д., 2019 (ҳаммуаллиф).

Пайвандҳо

Энсиклопедияи Донишгоҳи давлатии омӯзгории Тоҷикистон ба номи С. Айнӣ