Эдуард Айрапетянс

Мавод аз Википедиа — донишномаи озод
(Тағйири масир аз Эдуад Айрапетянс)
Jump to navigation Jump to search
Айрапетян Эдуард
Санаи таваллуд

21 январ 1923(1923-01-21)

Зодгоҳ

Самарқанд

Санаи марг

13 март 1971(1971-03-13) (48 сол)

Мукофотҳо

Ордени Байрақи Сурхи МеҳнатОрдени «Нишони Фахрӣ»

Эдуард Айрапетянс Данилович (тав. 21 январ 1923, Самарқанд — 13 марти 1971, Душанбе) — дирижёр, Ходими хизматнишондодаи санъати РСС Тоҷикистон] (1968).

Зиндагинома[вироиш]

Дар Омӯзишгоҳи мусиқии шаҳри Ленинобод (1941—1945), студияи миллии Консерваторияи давлатии Москва (1945—1947) хонда, соли 1963 Консерваторияи давлатии Тошкандро ғоибона хатм кардааст. Муддате дар Театри мазҳакаи мусиқии вилоятии Ленинобод ба сифати мудири қисми мусиқӣ ва дирижёр кор кардааст. Солҳои 1948—1962 дирижёр ва аз соли 1963 то поёни умр сардирижёри Театри давлатии академии опера ва балети тоҷик ба номи С. Айнӣ буд. Дар Омӯзишгоҳи мусиқии шаҳри Душанбе ва факултети санъати Институти давлатии педагогии Душанбе аз синфи опера дарс гуфтааст. Айнуляқин дар саҳнаи театр операҳои «Тоҳир ва Зӯҳро»-и А. Ленский, «Шӯриши Восеъ», «Хосият», «Бахтиёр ва Нисо»-и С. Баласанян, «Комде ва Мадан»-и З. Шаҳидӣ, «Коваи оҳангар», «Бозгашт»-и Я. Сабзанов, балетҳои «Лайлӣ ва Маҷнун»-и С. Баласанян, «Афсонаи кӯҳсор», «Писари Ватан»-и Ю. Тер-Осипов, «Бо роҳи раъди ғуррон»-и Қ. Қароев, «Валси калон»-и И. Штраус, «Гилеми кабуд»-и М. Волберг ва ғайраро таҳия намудааст. Ҳамчун иҷрокунандаи доимии асарҳои композиторони тоҷик ва барпокунандаи консертҳои симфонӣ маъруф буд.

Мукофот орденҳо[вироиш]

Бо орденҳои Байрақи Сурхи Меҳнат, «Нишони Фахрӣ», Грамотаҳои Фахрии Президиуми Совети Олии РСС Тоҷикистон сарфароз гардидааст.

Эзоҳ[вироиш]

Сарчашма[вироиш]

Энсиклопедияи Миллии Тоҷик Мақола дар асоси маводи Энсиклопедияи Миллии Тоҷик навишта шудааст.