Эрдал Бешикчиоғлу

Эрдал Бешикчиоғлу
Эрдал Бешикчиоғлу
	тур. Erdal Beşikçioğlu
Таърихи таваллуд:	5 январ 1970 (54 сол)
Зодгоҳ:	Анқара, Туркия
Шаҳрвандӣ:	Туркия
Касб:	ҳунарпеша
Корнома:	1993-то ҳол
Самт:	театр; телевизион; синамо
IMDb:	ID 1698655
	Парвандаҳо дар Викианбор

Эрдал Бешикчиоғлу (тур. Erdal Beşikçioğlu); тав. 5 январи 1970, Анқара, Туркия) — ҳунарпешаи театр, телевизион ва синамои турк.

Зиндагинома[вироиш | вироиши манбаъ]

Эрдал Бегикчиоғлу 5 январи 1970 дар шаҳри Анқараи, Туркия таваллуд шудааст. Модараш аз миллати лазҳо мебошад. Падари ӯ албанӣ буда директори ВакифБонк буд. Вай маълумоти миёнаи худро дар коллеҷи хусусии Измир Меҳмет Сейфи Эралтай гирифтааст. Аз соли 1989 то 1993 Эрдал Бешикчиоғлу дар Консерваторияи давлатии Донишгоҳи Ҳасеттепе таҳсил кардааст. Дар давоми таҳсил дар Консерватория, ӯ дар тренингҳои эҷодии драмавии директори театри Британия Уилям Гаскил иштирок кардааст.

Фаъолият[вироиш | вироиши манбаъ]

Бо гирифтани маълумоти олӣ, ҳунарпеша дар театри давлатӣ ба кор даромад. Соли 1995 Эрдал Бешикчиоғлу муовини директори Театри давлатии Диёрбакр таъйин шуд. Вай дар ин вазифа то соли 1996 кор кардааст. Ҳунарпеша то ҳол дар Театри давлатии Анқара кор мекунад. Ӯ дарси актёрӣ медиҳад. Дар байни шогирдони ӯ ҳунарпешаи маъруф Бурҷу Озбарқ низ мебошад. Эрдал Бешикчиоғлу эҷоди машҳури Н.В. Гогол бо номи "Ёддоштҳои девона"-ро ба намоиш гузоштаст.

Соли 2001, ҳунарпеша бори аввал дар экран дар силсилафилми "La Dolce Vita" пайдо шуд, ки дар он нақши Ҳоконро бозидааст. Пас аз он нақшҳо дар чунин филмҳо ва силсилафилмҳои телевизионӣ, ба монанди "Ҳаёти қарзгирифта" (2004), "Роҳ ба сӯи хона 1914" (2006), "Пул" (2006), "Дар бар" (2007), "Ин ҳаёт" (2008), Эс-Эс (2008), "Ҳоким" (2009), "Ҷудошавӣ" (2009), "Асал" (2010). Ҷомиа Эрдал Бешикчиоғлуро ҳамчун комиссари полис Беҳзод хубтар дар ёд дорад, ки вай дар ҳама қисмҳои филмҳо дар бораи Беҳзод ва инчунин силсилафилми «Беҳзод: Ҷиноятҳои вазнин дар Анқара» нақш офаридааст. Барои иҷрои нақш актёри боистеъдод дар 48-умин ҷашнвораи филмҳои афлесун бо ҷоизаи "Беҳтарин бозигар" мукофотонида шуд. Соли 2012, ӯ ҷоизаи беҳтарин ҳунармандро аз ҷоизаҳои телевизиони Анталия ба даст овард.

Дар охири соли 2017, Эрдал Бешикчиоғлу нақши асосиро дар филми бисёрсериягии "Adi Efsane" ба даст овард. Вай баскетболбози маъруф Ториқ Аксойро бозӣ мекард. Лоиҳаҳои навбатии ӯ, ки актёр дар онҳо иштирок кардааст, "Дарвоза" (2019), "Çiçero" (2019) ва "Aci Kiraz" (2020) буданд. Дар силсилафилми "Кӯдакӣ", ки Надим Гуч таҳия кардааст, ӯ нақши қаҳрамони асосӣ Моҳир Бозтеппаро бозидааст, ки тасмим гирифтааст ҳаёти худро ба бачаҳои ятими бадбахт бахшад, то ба онҳо дар ёфтани оилаи меҳрубоне, ки онҳо надоранд, кумак кунад. Аз ин сабаб, Моҳир тасмим гирифтааст, ки ятимхона кушояд. Нақшҳои асосиро дар ин силсилафилм Бурҷу Озбарқ ва Берен Гӯкйилдиз бозидаанд.

Ҳаёти шахсӣ[вироиш | вироиши манбаъ]

Аз соли 1991, ҳунарпеша бо Элвин Бешикчиоғлау, ки ҳангоми таҳсил дар консерватория бо ӯ шинос шуда буданд, издивоҷ кардааст. Эрдал ва Элвин як духтар Дерин (тав. 2001) ва як писар Умар (тав. 2012) доранд.