Ҳукумати Тоҷикистон

Мавод аз Википедиа — донишномаи озод
Ҷаҳиш ба: новбари, Ҷустуҷӯи

Ҳукумати Ҷумҳурии Тоҷикистон - Ҳукумат мақоми иҷроияи Ҷумҳурии Тоҷикистон буда, бо мақсади таъмини роҳбарии самараноки соҳаҳои иқтисодй, иҷтимой, фарҳангй ва иҷрои қонунҳо, қарорҳои Маҷлиси Олй, фармону амрҳои Президенти Ҷумҳурии Тоҷикистон ташкил карда мешавад.

Ҳукумат ба низоми мақомоти идораи давлатй роҳбарй намуда, фаъолият ва мутобиқати ҳамкории онҳоро таъмин мекунад. Мувофиқи Конститутсия Ҳукумати Тоҷикистон аз тарафи Президент дар ҳайати Сарвазир ва дигар аъзои Ҳукумат таъину озод карда шуда, фармон дар ин хусус ба тасдиқи Маҷлиси Олй пешниҳод карда мешавад. Ҳайати Ҳукумат аз сарвазир, муовини якум ва муовинони ӯ, вазирон, раисони кумитаҳои давлатй иборатаст. Раиси Ҳукумат Президенти Ҷумҳурии Тоҷикистон буда, сарвари ҳокимият мебошад. У ба фаъолияти Ҳукумат роҳбарй намуда, барои ваколатҳоро самаранок амалӣ намудани он тадбирҳо меандешад. Асоси ҳуқуқии фаъолияти Ҳукуматро Конститутсия, Қонуни конститутсионй «Дар бораи Ҳукумати Ҷумҳурии Тоҷикистон», дигар қонунҳо, қарорҳои Маҷлиси Олй, фармон ва амрҳои Президенти Ҷумҳурии Тоҷикистон ташкил менамояд. [1]

Фаъолияти Ҳукумат[вироиш]

Дар боби панҷуми Конститутсияи (Сарқонуни) Ҷумҳурии Тоҷикистон қоидаҳои умумии фаъолияти Ҳукумати Ҷумҳурии Тоҷикистон навишта шудааст.

Ҳукумати ҷумҳурӣ аз сарвазир, муовини якум ва муовинони ӯ, вазирон, раисони кумитаҳои давлатӣ иборат аст. Ҳукумати ҷумҳурӣ роҳбарии самараноки соҳаҳои иҷктисодӣ, иҷтимоӣ, фарҳангӣ ва иҷрои қонунҳо, қарорҳои якҷояи Маҷлиси Миллӣ ва Маҷлиси Намояндагон, қарорҳои Маҷлиси Миллӣ, қарорҳои Маҷлиси Намояндагон, фармону амрҳои Президенти Ҷумҳурии Тоҷикистонро таъмин мекунад.(Ниг. Боби 5 Конститутсияи (Сарқонуни) Ҷумҳурии Тоҷикистон).

Инчунин нигаред[вироиш]

Ҳайати Ҳукумати Ҷумҳурии Тоҷикистон дар Сомонаи Расмии Президенти Ҷумҳурии Тоҷикистон [2]

Пайвандҳои беруна[вироиш]

Эзоҳ[вироиш]

  1. Фарҳанги истилоҳоти ҳуқуқ / Зери таҳрири Маҳмудов М.А. - Душанбе: ЭР-граф, 2009. - с. 536
  2. ҲАЙАТИ ҲУКУМАТИ ҶУМҲУРИИ ТОҶИКИСТОН


Emblem of Tajikistan.svg

Тоҷикистон