Соли 2024
(Тағйири масир аз 2024)
| Солҳо |
|---|
| 2020 · 2021 · 2022 · 2023 — 2024 — 2025 · 2026 · 2027 · 2028 |
| Даҳаҳо |
| 2000-ум · 2010-ум — 2020-ум — 2030-ум · 2040-ум |
| Садаҳо |
| садаи XX — садаи XXI — садаи XXII |
- 1 январ — Дар Тоҷикистон «Соли маърифати ҳуқуқӣ» оғоз гардид. Ин ташаббус ба муносибати 30-солагии қабули Конститутсияи Ҷумҳурии Тоҷикистон амалӣ шуда, ҳадафи он баланд бардоштани сатҳи маърифати ҳуқуқии шаҳрвандон, тарғиби арзишҳои демократӣ ва таҳкими эҳтиром ба қонун мебошад. [1] [2].
- 12 январ — Президенти Ҷумҳурии Тоҷикистон фармони кушодани Намояндагии доимии Ҷумҳурии Тоҷикистон дар назди ЮНЕСКО-ро ба имзо расонид. Тибқи фармон, намояндагии доимии Тоҷикистон дар назди Созмони Милали Муттаҳид оид ба маориф, илм ва фарҳанг таъсис дода шуд. [3] [4].
- 22 январ — миёни Тоҷикистон ва Қатар 9 санади нави ҳамкорӣ ба имзо расид. Санадҳо соҳаҳои андозбандӣ, мубодилаи иттилооти молиявӣ, ҳолатҳои фавқулода, иқтисод, сармоягузорӣ ва ҳамкориҳои башардӯстиро фаро гирифтанд. [5] [6].
- 22 январ — Дастаи мунтахаби Тоҷикистон оид ба футбол дар Ҷоми Осиё-2023 бар Лубнон бо ҳисоби 2:1 пирӯз шуда, барои нахустин бор дар таърихи худ ба марҳилаи плей-оффи Ҷоми Осиё роҳ ёфт. [7] [8].
- 28 январ — Дастаи мунтахаби Тоҷикистон оид ба футбол дар даври 1/8-ниҳоии Ҷоми Осиё-2023 бар Амороти Муттаҳидаи Араб дар силсилаи зарбаҳои 11-метра бо ҳисоби 5:3 пирӯз шуда, барои нахустин бор дар таърихи футболи кишвар ба даври чорякниҳоии мусобиқаи қитъавӣ — Ҷоми Осиё-2023 роҳ ёфт.[9] [10] [11].
- 2 феврал — Дастаи мунтахаби Тоҷикистон оид ба футбол дар чорякфинали Ҷоми Осиё-2023 бо Урдун рақобат намуда, дар ин марҳилаи мусобиқа иштирокашро анҷом дод. Роҳи мунтахаби Тоҷикистон то чорякфинал яке аз натиҷаҳои беҳтарини таърихи футболи кишвар ба ҳисоб рафт. [12] [13].
- 27 феврал — Ҳукумати Ҷумҳурии Тоҷикистон ба низоми фаъолияти филиалҳои Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» дар вилоятҳои Вилояти Хатлон ва Вилояти Суғд тағйир ворид намуд. Қарори Ҳукумати Ҷумҳурии Тоҷикистон аз 27 феврали соли 2024, №104 санади ҳуқуқии тасдиқкунандаи тағйироти мазкур гардид.[14][15]
- 20 март — Президенти Ҷумҳурии Тоҷикистон Пешвои миллат Эмомалӣ Раҳмон ба муносибати Наврӯзи соли 2024 паёми шодбошӣ ирсол намуд. Дар он аҳамияти Наврӯз ҳамчун ҷашни байналмилалӣ, рамзи эҳёи табиат, дӯстӣ ва ҳамбастагии халқҳо таъкид гардид. [16] [17].
- 9 апрел — Президенти Ҷумҳурии Тоҷикистон Пешвои миллат Эмомалӣ Раҳмон ба муносибати Иди Фитр паёми шодбошӣ ирсол намуда, аҳамияти арзишҳои маънавӣ, ҳамдигарфаҳмӣ, хайрхоҳӣ ва эҳсонкориро таъкид намуд. [18] [19].
- 8 май — Маҷлиси намояндагони Маҷлиси Олии Ҷумҳурии Тоҷикистон як қатор санадҳои марбут ба рушди ҳамкориҳои байналмилалии кишварро баррасӣ ва тасдиқ намуд. Аз ҷумла, раванди густариши ҳамкории Тоҷикистон бо созмонҳои байналмилалӣ дар самти маориф, илм, фарҳанг ва рушди устувор идома ёфт. [20] [21].
- 10–13 июн — Дар шаҳри Душанбе Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018–2028» баргузор гардид. Дар конфронс роҳбарон, вазирон ва намояндагони баландпояи кишварҳо, созмонҳои байналмилалӣ ва минтақавӣ, ҷомеаи шаҳрвандӣ, бахши хусусӣ ва доираҳои илмӣ иштирок намуданд. Дар натиҷа Эъломияи Душанбе қабул гардид. Санади тасдиқкунанда: Эъломияи ниҳоии Конфронси сеюми байналмилалии оби Душанбе. [22] [23] [24].
- 3–4 июл — Президенти Ҷумҳурии Тоҷикистон Эмомалӣ Раҳмон дар Саммити сарони давлатҳои Созмони ҳамкории Шанхай дар Остона иштирок намуд. Дар натиҷаи саммит Ҷумҳурии Беларус ба ҳайси узви нави комилҳуқуқ ба Созмони ҳамкории Шанхай қабул гардид ва як қатор санадҳои ҳамкорӣ ба имзо расиданд. [25] [26].
- 4–6 июл — Сӣ Ҷинпинг, Раиси Ҷумҳурии Мардумии Чин, бо сафари давлатӣ ба Тоҷикистон омад. 5 июл дар Душанбе Эмомалӣ Раҳмон ва Сӣ Ҷинпинг дар бораи рушди шарикии ҳамаҷонибаи ҳамкории стратегӣ миёни Тоҷикистон ва Чин дар давраи нав изҳороти муштарак қабул намуда, беш аз 20 санади байниҳукуматӣ ва байниидоравӣ иваз карданд. Дар доираи сафар биноҳои нави Маҷлиси Олии Ҷумҳурии Тоҷикистон ва Ҳукумати Ҷумҳурии Тоҷикистон низ ба истифода дода шуданд.[27] [28] [29].
- 5 июл — Дар Душанбе маросими сарфарозгардонии Президенти Ҷумҳурии Тоҷикистон Эмомалӣ Раҳмон бо ордени «Дӯстӣ»-и Ҷумҳурии Мардумии Чин баргузор гардид. Ин мукофоти олии Чин барои шаҳрвандони хориҷӣ ба Эмомалӣ Раҳмон барои саҳми ӯ дар рушди муносибатҳои дӯстии Тоҷикистону Чин супорида шуд. [30] [31].
- 31 август — Президенти Ҷумҳурии Тоҷикистон амри баргузории озмуни ҷумҳуриявии «Беҳтарин китоби илмӣ, мақолаи илмӣ ва мақолаи илмию оммавӣ»-ро ба муносибати 30-солагии қабули Конститутсияи Ҷумҳурии Тоҷикистон ва «Соли маърифати ҳуқуқӣ» тасдиқ намуд. [32] [33].
- 24 сентябр — Президенти Ҷумҳурии Тоҷикистон Эмомалӣ Раҳмон дар Маҷмаи умумии Созмони Милали Муттаҳид дар ҷаласаи 79-уми он дар Ню-Йорк суханронӣ кард. Дар суханронӣ масъалаҳои тағйирёбии иқлим, ҳифзи пиряхҳо, рушди устувор, амнияти байналмилалӣ ва ташаббуси Тоҷикистон дар соҳаи илмҳои криосфера баррасӣ шуданд. [34] [35] [36].
- октябр — Дар доираи омодагӣ ба таҷлили 30-солагии Конститутсияи Ҷумҳурии Тоҷикистон чорабиниҳои ҷумҳуриявӣ оид ба баланд бардоштани маърифати ҳуқуқӣ ва шарҳу тавзеҳи меъёрҳои Қонуни асосии кишвар идома ёфтанд. [37] [38].
- 6 ноябр — Дар Душанбе 30-солагии қабули Конститутсияи Ҷумҳурии Тоҷикистон таҷлил гардид. Президенти Ҷумҳурии Тоҷикистон Эмомалӣ Раҳмон дар маҷлиси тантанавӣ суханронӣ карда, нақши Конститутсияро дар ташаккули давлатдории навини Тоҷикистон, таҳкими сулҳу субот, ваҳдати миллӣ ва рушди низоми ҳуқуқии кишвар таъкид намуд. [39] [40] [41].
- 7 ноябр — Дар ноҳияи Кӯшониёни вилояти Хатлон корхонаи истеҳсоли мотосиклҳои дучарха ва сечархаҳои гуногуни ҶДММ «Вахш Саноат» ба истифода дода шуд. Корхона дар доираи «Солҳои рушди саноат (2022–2026)» бунёд гардида, ба рушди мошинсозӣ, истеҳсоли маҳсулоти ватанӣ ва ташкили ҷойҳои нави корӣ мусоидат мекунад.[42][43]
- 4 декабр — Номинатсияи муштараки Тоҷикистон ва Эрон «Меҳргон» ба Феҳристи репрезентативии мероси фарҳанги ғайримоддии башарияти ЮНЕСКО ворид карда шуд. Ҳамзамон номинатсияи муштараки Тоҷикистон, Афғонистон, Эрон ва Ӯзбекистон — «Санъати рубобсозӣ ва рубобнавозӣ» низ ба ҳамин феҳрист шомил гардид. Қарори иҷлосияи 19-уми Кумитаи байниҳукуматии ЮНЕСКО оид ба ҳифзи мероси фарҳанги ғайримоддӣ дар Асунсион, Парагвай[44] [45] [46].
- 4 декабр — Президенти Ҷумҳурии Тоҷикистон Пешвои миллат Эмомалӣ Раҳмон бо фармон интихоботи нави Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқро ба 2 марти соли 2025 ва интихоботи аъзои Маҷлиси миллии Маҷлиси Олии Ҷумҳурии Тоҷикистон-ро ба 28 марти соли 2025 таъин намуд. [47] [48] [49].
- 28 декабр — Президенти Ҷумҳурии Тоҷикистон Пешвои миллат Эмомалӣ Раҳмон дар ҷаласаи якҷояи Маҷлиси миллии Маҷлиси Олии Ҷумҳурии Тоҷикистон ва Маҷлиси намояндагони Маҷлиси Олии Ҷумҳурии Тоҷикистон Паёми солонаи худро «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» ироа намуд. Паём бори аввал дар бинои нави Маҷлиси Олии Ҷумҳурии Тоҷикистон пешниҳод гардида, самтҳои асосии сиёсати дохилӣ ва хориҷӣ, рушди иқтисод, саноат, энергетика, маориф, тандурустӣ, ҳифзи иҷтимоӣ ва ҳамкориҳои байналмилалиро муайян намуд. [50] [51] [52].
- Соли 2024 — Дар Тоҷикистон дар доираи «Солҳои рушди саноат» 251 корхонаи нави саноатӣ ба истифода дода шуда, 1714 ҷойи нави корӣ таъсис ёфт. Ин нишондиҳанда дар нишасти матбуотии Вазорати саноат ва технологияҳои нави Ҷумҳурии Тоҷикистон расман эълон гардид.[53][54]
Нигаред низ
[вироиш | вироиши манбаъ]Эзоҳ
[вироиш | вироиши манбаъ]- ↑ Фармони Президенти Ҷумҳурии Тоҷикистон «Дар бораи «Соли маърифати ҳуқуқӣ» эълон намудани соли 2024(тоҷ.). president.tj (30 Декабри 2023). 21 августи 2026 санҷида шуд.
- ↑ «СОЛИ МАЪРИФАТИ ҲУҚУҚӢ». Шарҳи коршиносон доир ба ҳадафҳои эълони ин сол(тоҷ.). АМИТ «Ховар» (12 Январ 2024). 21 августи 2026 санҷида шуд.
- ↑ Фармони Президенти Ҷумҳурии Тоҷикистон дар бораи кушодани Намояндагии доимии Ҷумҳурии Тоҷикистон дар назди ЮНЕСКО(тоҷ.). АМИТ «Ховар» (12 Январ 2024). 21 августи 2026 санҷида шуд.(пайванди дастнорас)
- ↑ Санадҳои Президенти Ҷумҳурии Тоҷикистон(тоҷ.). president.tj. 21 августи 2026 санҷида шуд.
- ↑ Миёни Тоҷикистону Қатар 9 санади нави ҳамкорӣ ба имзо расид(рус.). Asia-Plus (22 Январ 2024). 21 августи 2026 санҷида шуд.
- ↑ President of Tajikistan Emomali Rahmon leaves for state visit to State of Qatar(англ.). Tajik Air Navigation (22 January 2024). 21 августи 2026 санҷида шуд.
- ↑ Tajikistan 2–1 Lebanon — Match Summary(англ.). AFC (22 January 2024). 21 августи 2026 санҷида шуд.
- ↑ ҶОМИ ОСИЁ-2023. Ҳайати ниҳоии дастаи мунтахаби миллии Тоҷикистон барои иштирок дар мусобиқа эълон шуд(тоҷ.). АМИТ «Ховар» (5 Январ 2024). 21 августи 2026 санҷида шуд.
- ↑ Tajikistan 1–1 United Arab Emirates — Round of 16 Match Summary(англ.). AFC (28 January 2024). 21 августи 2026 санҷида шуд.
- ↑ Лаҳзаи таърихӣ ва ғалабаи арзанда! Пирӯзии навбатии Тоҷикистон дар Ҷоми Осиё-2023(тоҷ.). АМИТ «Ховар» (29 Январ 2024). 21 августи 2026 санҷида шуд.
- ↑ Тоҷикистон ба чорякфинали Ҷоми Осиё роҳ ёфт(тоҷ.). Asia-Plus (29 Январ 2024). 21 августи 2026 санҷида шуд.
- ↑ AFC Asian Cup 2023 — Match Reports(англ.). AFC. 21 августи 2026 санҷида шуд. (пайванди дастнорас)
- ↑ Ҷоми Осиё-2023 — хабарҳо ва натиҷаҳои иштироки Тоҷикистон(тоҷ.). АМИТ «Ховар» (2024). 21 августи 2026 санҷида шуд.
- ↑ Қарори Ҳукумати Ҷумҳурии Тоҷикистон аз 27 феврали соли 2024, №104(тоҷ.). ADLIA — махзани санадҳои ҳуқуқии Ҷумҳурии Тоҷикистон (27 феврали 2024). 23 августи 2026 санҷида шуд.
- ↑ Донишгоҳи байналмилалии сайёҳӣ ва соҳибкории Тоҷикистон(тоҷ.). Ҷумҳурият (14 апрели 2022). 23 августи 2026 санҷида шуд.
- ↑ Паёми шодбошӣ ба ифтихори Наврӯзи соли 2024(тоҷ.). president.tj (20 марти 2024). 21 августи 2026 санҷида шуд.
- ↑ Суханронӣ дар маросими баргузории карнавали наврӯзии «Корвони шодӣ»(тоҷ.). president.tj (25 марти 2024). 21 августи 2026 санҷида шуд.
- ↑ Паёми шодбошии Президенти Ҷумҳурии Тоҷикистон ба муносибати иди саиди Фитр(тоҷ.). president.tj (9 апрели 2024). 21 августи 2026 санҷида шуд.
- ↑ April 2024 — Паёмҳои Президенти Ҷумҳурии Тоҷикистон(тоҷ.). Пажӯҳишгоҳи таҳқиқоти иқтисодӣ (9 апрели 2024). 21 августи 2026 санҷида шуд. Баргирифта аз сарчашмаи аввал 6 Декабри 2025.
- ↑ Санадҳои Президенти Ҷумҳурии Тоҷикистон(тоҷ.). president.tj. 21 августи 2026 санҷида шуд.
- ↑ Маҷлиси Олии Ҷумҳурии Тоҷикистон(тоҷ.). parliament.tj. 21 августи 2026 санҷида шуд. Баргирифта аз сарчашмаи аввал 2 июни 2024.
- ↑ Third High-Level International Conference on the International Decade for Action “Water for Sustainable Development”, 2018–2028 — Final Declaration(англ.). CAWater-Info (13 June 2024). 21 августи 2026 санҷида шуд.
- ↑ United Nations — Water and sustainable development(англ.). United Nations. 21 августи 2026 санҷида шуд.
- ↑ Раванди оби Душанбе ва Конфронси сеюми оби Душанбе(тоҷ.). АМИТ «Ховар» (12 Январ 2024). 21 августи 2026 санҷида шуд.
- ↑ Shanghai Cooperation Organisation(англ.). sectsco.org (4 July 2024). 21 августи 2026 санҷида шуд.
- ↑ Рӯйдодҳои Президенти Ҷумҳурии Тоҷикистон(тоҷ.). president.tj (4 июли 2024). 21 августи 2026 санҷида шуд.
- ↑ Xi Jinping Holds Talks with Tajik President Emomali Rahmon(англ.). Ministry of Foreign Affairs of the People's Republic of China (6 July 2024). 21 августи 2026 санҷида шуд.
- ↑ Мулоқоту музокироти сатҳи олии Тоҷикистону Чин(тоҷ.). president.tj (5 июли 2024). 21 августи 2026 санҷида шуд.
- ↑ Изҳороти матбуотӣ аз рӯйи натиҷаҳои сафари давлатии Раиси Ҷумҳурии Мардумии Чин Си Ҷинпин ба Ҷумҳурии Тоҷикистон(тоҷ.). president.tj (5 июли 2024). 21 августи 2026 санҷида шуд.
- ↑ Маросими сарфарозгардонии Пешвои миллат Эмомалӣ Раҳмон бо мукофоти олии Ҷумҳурии Мардумии Чин — ордени «Дӯстӣ»(тоҷ.). president.tj (5 июли 2024). 21 августи 2026 санҷида шуд.
- ↑ Xi Jinping Awards Tajik President Emomali Rahmon the Friendship Medal(англ.). Ministry of Foreign Affairs of the People's Republic of China (6 July 2024). 21 августи 2026 санҷида шуд.
- ↑ Амри Президенти Ҷумҳурии Тоҷикистон №АП-632(тоҷ.). president.tj (31 августи 2024). 21 августи 2026 санҷида шуд.
- ↑ Санадҳои Президенти Ҷумҳурии Тоҷикистон(тоҷ.). president.tj. 21 августи 2026 санҷида шуд.
- ↑ Statement by the President of the Republic of Tajikistan at the General Debate of the 79th Session of the United Nations General Assembly(англ.). United Nations General Debate (24 September 2024). 21 августи 2026 санҷида шуд.
- ↑ General Assembly — 79th session, 7th plenary meeting: Address by Mr. Emomali Rahmon(англ.). United Nations Digital Library (24 September 2024). 21 августи 2026 санҷида шуд.
- ↑ Хабарҳо ва суханрониҳои Президенти Ҷумҳурии Тоҷикистон(тоҷ.). president.tj (24 сентябри 2024). 21 августи 2026 санҷида шуд.
- ↑ Конститутсияи Ҷумҳурии Тоҷикистон — 30-солагии қабули Конститутсия(тоҷ.). president.tj. 21 августи 2026 санҷида шуд.
- ↑ Амри Президенти Ҷумҳурии Тоҷикистон №АП-632(тоҷ.). president.tj (31 августи 2024). 21 августи 2026 санҷида шуд.
- ↑ Суханронӣ дар маҷлиси тантанавӣ ба ифтихори 30-солагии қабули Конститутсияи Ҷумҳурии Тоҷикистон(тоҷ.). president.tj (6 ноябри 2024). 21 августи 2026 санҷида шуд.
- ↑ Иштирок дар ҷамъомади тантанавӣ ба ифтихори 30-солагии қабули Конститутсияи Ҷумҳурии Тоҷикистон(тоҷ.). president.tj (6 ноябри 2024). 21 августи 2026 санҷида шуд.
- ↑ Выступление на торжественном заседании в честь 30-летия принятия Конституции Республики Таджикистан(рус.). president.tj (6 ноябри 2024). 21 августи 2026 санҷида шуд.
- ↑ Президенти Тоҷикистон Эмомалӣ Раҳмон дар ноҳияи Кӯшониён корхонаи истеҳсоли мотосиклҳои дучарха ва сечархаҳои гуногуни ҶДММ «Вахш Саноат»-ро ба истифода доданд(тоҷ.). АМИТ «Ховар» (7 ноябри 2024). 23 августи 2026 санҷида шуд.
- ↑ Сафарҳои дохилии Президенти Ҷумҳурии Тоҷикистон(тоҷ.). Президенти Ҷумҳурии Тоҷикистон. 23 августи 2026 санҷида шуд.
- ↑ «Ҷашни Меҳргон» расман ба Феҳристи репрезентативии мероси фарҳанги ғайримоддии башарият ворид гардид(тоҷ.). АМИТ «Ховар» (4 Декабри 2024). 21 августи 2026 санҷида шуд.
- ↑ Санъати рубобсозӣ ва рубобнавозӣ ба Феҳристи репрезентативии мероси фарҳанги ғайримоддӣ ворид карда шуд(тоҷ.). АМИТ «Ховар» (7 Декабри 2024). 21 августи 2026 санҷида шуд.
- ↑ UNESCO — Intangible Cultural Heritage: Tajikistan(англ.). UNESCO. 21 августи 2026 санҷида шуд.
- ↑ Фармони Президенти Ҷумҳурии Тоҷикистон дар бораи таъини интихоботи даъвати нави Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқ(тоҷ.). president.tj (4 Декабри 2024). 21 августи 2026 санҷида шуд.
- ↑ Фармони Президенти Ҷумҳурии Тоҷикистон дар бораи таъини интихоботи даъвати нави Маҷлиси Олии Ҷумҳурии Тоҷикистон(тоҷ.). АМИТ «Ховар» (4 Декабри 2024). 21 августи 2026 санҷида шуд.
- ↑ Фармон имзо шуд! Рӯзи баргузории интихоботи парлумонӣ дар Тоҷикистон маълум гардид(тоҷ.). Asia-Plus (4 Декабри 2024). 21 августи 2026 санҷида шуд.
- ↑ Ироаи Паёми Президенти Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии кишвар»(тоҷ.). president.tj (28 Декабри 2024). 21 августи 2026 санҷида шуд.
- ↑ Оғози ироаи Паёми Президенти Ҷумҳурии Тоҷикистон «Дар бораи самтҳои асосии сиёсати дохилию хориҷии Ҷумҳурии Тоҷикистон»(тоҷ.). president.tj (28 Декабри 2024). 21 августи 2026 санҷида шуд.
- ↑ Паёми Президенти Ҷумҳурии Тоҷикистон дар бораи самтҳои асосии сиёсати дохилӣ ва хориҷии ҷумҳурӣ(тоҷ.). president.tj (28 Декабри 2024). 21 августи 2026 санҷида шуд.
- ↑ Дар Тоҷикистон 251 корхонаи саноатӣ бо беш аз 1700 ҷойи кор ба истифода дода шуд(тоҷ.). АМИТ «Ховар» (1 августи 2024). 23 августи 2026 санҷида шуд.
- ↑ Дар Тоҷикистон дар доираи эълони Солҳои рушди саноат 251 корхонаи нав ба истифода дода шуд(тоҷ.). АМИТ «Ховар» (28 июли 2024). 23 августи 2026 санҷида шуд.