Bафкас
| Маҳалли аҳолинишин | |
| Кишвар |
 [[|]] |
|---|---|
| Таърих ва ҷуғрофиё | |
Bафкас, Фағкас, Фағкат — шаҳраки тобеи Усрушана, ки дар сефарсахии Бунҷикат – сари роҳи Хуҷанд воқеъ гардида буд. Дар маъхазҳои ҷуғрофиёӣ Bафкас мавзеи сераҳолӣ зикр шудааст. Деҳхудо маънои Фағкасро «бутхона» шарҳ дода, асли Bафкасро «фағкада» медонад. Bафкасро якҷо бо Ғазақ бо шаҳрҳои Ғаза ва Боға, ки дар таърихномаҳои аҳди Искандари Мақдунӣ зикре аз онҳо рафтааст, наздик мешуморанд. Эҳтимол меравад, ки Вағат (Вогат)-и имрӯза дар маҳалли таърихии Bафкас қарор дорад ва сокинони онро аз насаби бозмондагони Гуштосп медонанд.
Адабиёт
[вироиш | вироиши манбаъ]- Абдуллоев С. Ҷуғрофиёи таърихии давлати Сомониён. Хуҷанд, 2001; Донишномаи Сомониён. Ҷ. 1. Хуҷанд, 2008;
- دهخدا. لغت نامه. جلد ۳۵. تهران، ۱۳۴۱ هـ.ش
Сарчашма
[вироиш | вироиши манбаъ]- Bафкас // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.