Муборак Бикоӣ

Муборак Бикоӣ
Муборак Бикоӣ
Сарвазири Марокаш
	7 декабр 1955 — 15 апрел 1958
Ҷонишин	Аҳмад Билофриҷ
Таваллуд	18 апрел 1907; Berkane[d], Oriental[d], Марокаш;
Даргузашт	12 апрел 1961 (53 сол); Рабат, Марокаш;
Таҳсилот	Meknes Royal Military Academy[d];
Ҷоизаҳо
Рутба	lieutenant-colonel[d]
Набардҳо	French conquest of Morocco[d]; Ҷанги дуюми ҷаҳон;
	Парвандаҳо дар Викианбор

Муборак Бикоӣ (ар. مبارك البكاي‎ 18 апрели 1907, Беркан, Марокаш таҳти ҳимояи Фаронса — 12 апрели 1961, Работ) — арбоби давлатии Марокаш, аввалин сарвазири Марокаш (7 декабри 1955 — 15 апрели 1958).

Зиндагинома

Муборак Бикоӣ муҳассили мактаби фаронсавӣ мебошад. Сипас дар мактаби низомии Дор-ул-Байзо (ҳоло Академияи низомии салтанатии шаҳри Мекнес) омӯзишро идома додааст. Вай дар артиши Фаронса хидмат карда, соли 1929 дар маъракаи Марокаш бар алайҳи шӯришиёни зидди фаронсавиҳо иштирок кардааст.

Дар охири соли 1934 ӯро ба Марокаш фиристоданд. Ӯ инчунин дар Ҷанги дуюми Ҷаҳонӣ низ иштирок намудааст. Бикоӣ дар давраи лашкаркашиҳои фаронсавиён рутбаи лейтенант дошт. Моҳи майи соли 1940 захми вазнин бардошт ва баъди қатъ шудани пояш ба ҷои бехавф кӯчонида шуд. Аз ҷониби Фаронса соҳиби мукофотҳо шудааст.

Соли 1943 ҳамчун собиқадори маъюби ҷанг бо рутбаи капитан ба нафақа баромад. Ӯ соли 1946 хидмати низомиро дар артиши Фаронса ба анҷом расонид ва соли 1953 ба ӯ унвони подполковники эҳтиётӣ дода шуд.

Яке аз одамони камшумори Марокаш, ки соли 1953 ба зидди барканор кардани султон Муҳаммади V эътироз намудааст. Баъди истеъфо додани султон моҳи октябри соли 1955 вай узви шӯрои шоҳӣ таъйин шуд. Аз 7-уми декабри соли 1955 то 15-уми апрели соли 1958 ба унвони аввалин сарвазири Марокаш хидмат кард.

2-юми март ва 7-уми апрели соли 1956 бо намояндаи Фаронса - Кристиан Пино ва намояндаи Испониё - Мартин Артахо, санади истиқлолияти Марокашро имзо карданд.

Дар ҷараёни бӯҳрони майи соли 1958, ба сабаби пазируфта нашудани Ҳизби ҷунбиши мардумӣ аз вазифаи сарвазирӣ истеъфо дод.

Муборак Бикоӣ 12-уми апрели соли 1961 — 45 рӯз пас аз вафоти шоҳ Муҳаммади V дар Работ даргузашт ва онҷо ба хок супурда шуд.

Мукофотҳо

Салиби низомӣ барои театрҳои берунаи ҷанг (1929)
Салиби низомӣ (Фаронса) (1941)
Ритсари Легиони фахрӣ (1941)
Афсари ордени Легиони Фахрӣ (1947)

Адабиёт

Роҳнамои умумӣ ба Марокаш. Нашрияҳои Паумарко., 1957

Пайвандҳо

Mbarek Bekkay(англ.) )

Эзоҳ