Силсиланеругоҳҳои барқи обӣ дар дарёи Вахш

Силсилаи НБО - ҳои Вахш

Силсила аз се нерӯгоҳ: Сарбанд. Шаршара ва Марказӣ иборат аст.

Дар НБО – и Сарбанд

НБО - се гидроагрегати иќтидорашон 45 ҳазор кВт ва се агрегети иқтидорашон 35 ҳазор кВт насб карда шудаанд. Иқтидори умумии муайяншудаи нерӯгоҳи барқӣ 240 ҳазор кВт – ро ташкил медиҳад. Ду агрегати аввалини нерӯгоҳ соли 1962 ва 4 агрегати дигар соли 1963 ба кор дароманд.

Дар НБО – и Шаршара

НБО - и Шаршара ду агрегати иқтидорашон 10800 кВт ва як гидроагрегати иқтидораш 8350 кВт насб карда шудаанд. Иқтидори умумии муайяншудаи нерӯгоҳ 29950 кВт – ро ташкил медиҳад. Нерӯгоҳ соли 1959 ба кор дароварда шуд.

Дар НБО –и Марказӣ

НБО - и Марказӣ ду гидроагрегати иқтидорашон 7550 кВт насб шудаанд. Иқтидори умуми муайяншудаи нерӯгоҳ 15100 кВт – ро ташкил медиҳад. Нерӯгоҳ соли 1964 ба кор даромад.

Нерӯгоҳи барқи обии Бойғозӣ

НБО - и Бойғозӣ дар дарёи Вахш сохта шудааст. Дар неругоҳи барқӣ 4 агрегати иқтидорашон 150 ҳазор кВт. насб карда шудаанд. Иқтидори умумии муайяншудаи нерӯгоҳ 600 ҳазор кВт- ро ташкил медиҳад. Се агрегати аввалини нерӯгоҳ соли 1985 ва охиринаш – чаҳорум агрегат соли 1986 ба кор андохта шудаанд. То 1 январи соли 2010- ум НБО - и Бойғозӣ 54,3 миллиард кВт.соат барқ истеҳсол кардааст.

Нерӯгоҳи барқи обии Норак ба номи Т. Ӯлҷабоев

НБО - и Норак дар дарёи Вахш сохта шудааст. Сохтмони нерӯгоҳ соли 1961 оғоз гардида, агрегати нахустини он соли 1972, охиринаш соли 1979 ба кор дароварда шудааст. Дар нерӯгоҳи барқӣ 9 гидроагрегати иқтидори лоиҳавиашон 300 ҳазор кВт насб шудаанд.

Обанбори Норак параметрҳои зеринро дорост.

-дарозии обанбор дар сурати сатҳи максималӣ – 70 км;

-чуқурии миёна - 107 м

-фаррохӣ - 5км

-ҳаҷми умумии лоиҳавӣ – 10,5 км3

-ҳаҷми фоиданоки лоиҳавӣ – 4,5 км3;

-баландии призмаи истифодашаванда – 53 м;

-сатҳи максималии об – 910 м;

-сатҳи минималии об - 857м;

То 1 январи соли 2010 НБО - и Норак 353,6 млрд. кВт.соат нерўи барқ истеҳсол кардааст. Соли 2009 чархи кории агрегати 3 иваз шуда, аз соли 2010 ивазсозии чархи кории агрегати 8 оғоз ёфтааст.

Нерӯгоҳи баркии обии Сангтӯда-1

НБО - и Сангтӯда-1 дар дарёи Вахш сохта шудааст. Нерӯгоҳи баркии обии Сангтӯда-1 - иқтидораш 670 МВт ва қудрати истеҳсолиаш 2,7 млрд. кВт-соат дар як сол аст.

Бо шарофати кӯшишҳои Ҳукумати Тоҷикистон ва шахсан Президенти ҷумҳурӣ Эмомалӣ Раҳмон соли 2004 соли аз нав ба фаъолият сар кардани сохтмони нерӯгоҳҳои баркии обии Сангтӯда-1 ва Роғунгардид.

Ҳангоми боздиди расмии президенти Федератсияи Русия Владимир Путин ба Ҷумҳурии Тоҷикистон 16 октябри соли 2004 аҳднома байни Ҳукумати Ҷумҳурии Тоҷикистон ва Ҳукумати Федератсияи Русия дар бораи иштироки Федератсияи Русия дар сохтмони нерӯгоҳи обии Сангтӯда-1 баста шуд. Инчунин байни вазорати энергетикаи Тоҷикистон ва вазорати энергетикаи Ҷумҳурии Исломии Эрон аҳднома дар бораи бунёди нерӯгоҳи обии Сангтуда-2 баста шуд. Мувофиқи ин аҳднома, Ҳукумати Федератсияи Русия ба сохтмони нерӯгоҳи обии Сангтӯда-1 250 млн. доллари ИМА саҳмгузорӣ( 75% саҳмияи Федератсияи Русия ва 25% саҳмияи Ҷумҳурии Тоҷикистон)шудааст. Сохтмони нерӯгоҳ соли 2004 оғоз гардида, агрегати нахустини он соли 2008, охиринаш соли 2009 ба кор дароварда шудааст. Ин нерӯгоҳ соли 2009 пурра ба истифода дода шудааст.