Мирзоазиз Мамадазизов

Мирзоазиз Мамадазизов
Таърихи таваллуд:	1 май 1930(1930-05-01)
Зодгоҳ:	ноҳияи Роштқалъа, Вилояти мухтори Кӯҳистони Бадахшон, ҶШС Тоҷикистон, ИҶШС
Таърихи даргузашт:	20 май 2006(2006-05-20) (76 сол)
Маҳалли даргузашт:	Хоруғ, Тоҷикистон
Касб:	ҳунарпешаи театр, коргардони театр
Ҷоизаҳо:	Ҳунарпешаи хидматнишондодаи ҶШС Тоҷикистон (1963) Ҳунарпешаи халқии Тоҷикистон (2000)

Мирзоазиз Мамадазизов (1 майи 1930, деҳаи Синдев, ноҳияи Роштқалъа, ВАКБ — 20 майи 2006, Хоруғ, ВМКБ, Тоҷикистон) — ҳунарпеша ва коргардони театр, Ҳунарпешаи хидматнишондодаи ҶШС Тоҷикистон (1963), Ҳунарпешаи мардумии Тоҷикистон (2000).

Зиндагинома

Институти давлатии санъати театрӣ- бадеии ба номи А. Островскийи шаҳри Тошкандро соли 1954 ба поин оварда, дар Театри мусиқӣ-мазҳакаи шаҳри Хоруғ ба сифати ҳунарпеша ва коргардон кор кардааст, солҳои 1978—1992 саркоргардони он буд. Бо таъсиси дубораи Театри мусиқӣ-мазҳакаи шаҳри Кӯлоб солҳои 70-уми қарни гузашта муддате саркоргардонии онро ба дӯш доштааст. Давоми фаъолияти эҷодиаш дар офариниши нақшҳои драмавӣ, фоҷиавию мазҳакавӣ муваффақ гардидааст. «Чинори гӯё», «Фарҳод дар Норак», «Ситораи умед», «Дил-дили Зайнаб», «Тошбек ва Гулқурбон», «Мо аз Боми Ҷаҳон», «Бой ва хидматгор», «Соати бурҷи Кремл», «Эзоп», «Рустам ва Суҳроб», «Юлиус Фучик», «Ҳакиқати талх» аз ҷумлаи спектаклҳоанд, ки номрафта дар онҳо образҳои асосӣ офарида, як силсила спектаклҳоро ҳамзамон таҳия намудааст.

Ҷоизаҳо

Бо Грамотаи Фахрии Президиуми Совети Олии Тоҷикистон қадр шудааст.

Адабиёт

• Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.