Аватар (2009 филм)

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Аватар
Постери Филм
Жанр

илмиву-фантастикӣ[d], филми амалиётӣ[d], моҷароҷӯӣ[d], фантастикаи ҷангӣ[d], филми тасвирӣ бо ҳунармандони зинда[d] ва аниматсияи компютерӣ[d]

Коргардон

Ҷеймс Кэмерон[d]

Таҳиякунанда

Ҷеймс Кэмерон[d],
Ҷон Ландау

Муаллифи
филмнома

Ҷеймс Кэмерон[d]

Наворбардор

Мауро Фиора[d]

Оҳангсоз

Ҷеймс Ҳорнер[d]

Ширкати синамоӣ

Lightstorm Entertainment[d], RatPac-Dune Entertainment[d], Ingenious Media[d] ва 20th Century Fox

Давомнокӣ

162 мин. дақиқа

Мамлакат

Flag of the United States.svg Иёлоти Муттаҳидаи Амрико
Flag of the United Kingdom.svg Британияи Кабир

Забон

на’ви[d] ва англисӣ

Сол

18 декабр 2009[1], 18 декабр 2009[2] ва 17 декабр 2009[3][4]

IMDb

ID 0499549

Сайти расмӣ

Аватар - Филми «Аватар», ки имрӯз дар дунё вирди забон аст, рекорди пурфурӯшии «Титаник»-ро шикаст ва дар таърихи синамои ҷаҳон ба ҷои аввал баромад. «Титаник» дар тӯли 6 моҳ як миллиарду 843 миллион доллар ҷамъ оварда буд, фурӯши «Аватар» дар шаш ҳафта ин рақамро убур кард ва имрузҳо 2 - миллиард доллар гузашт. Бойд зикр намуд, ки ҳардуи ин филмро Ҷеймс Кэмерон коргардонӣ намудааст. Сайри «Аватар» дар синамохонаҳои ҷаҳон идома дорад ва ин рақами ниҳоӣ нест. Фоидае, ки то итмрўз «Аватар» ба даст овардааст, аз буҷаи баъзе кишварҳои ҷаҳон бештар аст. “Аватар” дар бораи саргузашти Ҷейк Саллӣ, низомии маъюби амрикоӣ, дар сайёраи Пандора нақл мекунад. Ҷейкро ба ҷисми махлуқи дар озмоишгоҳ офаридашуда пайваст мекунанд ва ӯ ба Пандора меравад. Пандора хонаи қавме бо номи Нави аст, ки онҳоро як ширкат ба хотири заҳоири табиӣ мехоҳад аз сайёраашон мехоҳад берун кунад ва нобуд созад. Қаҳрамони филм дар он ҷо ба духтари сардори қабила ошиқ шуда, ба ҷониби сокинони он саёра мегузарад.

Ҷеймс Кэмерон

Аксари мунаққидони синамо бар он аќидаанд, ки «Аватар» барои Ҷеймс Кэмерон на камтар аз «Титаник» ҷоизаҳои байналмилалиро хоҳад овард. «Аватар» аллакай ду ҷоизаи Глобуси тиллоӣ-ро (англисӣ Golden Globes) гирифтааст ва моҳи оянда ҷоизаҳои зиёдеро дар озмуни Ҷоизаи Оскар касб хоҳад кард. Филме, ки бо гаронтарин харољот дар таърихи синамо, яъне 300 миллион доллар ба навор гирифта шудааст, дар саросари ҷаҳон шӯреро барангехтааст. Масалан, дар Чин исми кӯҳеро «Аватар» гузоштаанд. Мақомоти ин вилояти чинӣ фикр ҷолиб кардаанд, Зеро фаҳмидаанд, ки Пандора барои сайёҳон дур аст, вале ин кӯҳ наздику дастрас.

Мутахассисони соҳаи синамо пешгӯӣ мекунанд, ки филми “Аватар”-и коргардони шинохта Ҷеймс Кэмерон аз ҳама бештар пайкараҳои тилоии Оскарро соҳиб хоҳад шуд. Бо вуҷуди ҳамаи ин нишондодҳои беназир “Аватар” барои гирифтани пайкараҳои Оскар бо рақобати ҷидди рубару хоҳад шуд. Рақиби аслии вай, филми собиқ ҳамсари Ҷеймс Кэмерон хонум Кетрин Бигелоу - “Хӯҷаини ғубор” хоҳад шуд, ки низ дар 9 бахш ба Ҷоизаи Оскар пешбарӣ шудааст ва боз филмсозони зиёде ҳастанд, ки бо ин ду филмсоз рақобат хоҳанд кард. Аъзои Академияи синамои Амрико барои ҳар номзад овоз медиҳанд ва маросими эълони ғолибон ва супоридани пайкараҳои тилоии “Оскар” 7 март дар Лос-Анҷелес баргузор мешавад. Ҷеймс Кэмерон барои фароҳам шудани имконоти фаннии филми “Аватар” даҳ сол мунтазир монд, аммо саранҷом филме арза кард, ки муваффаќияти беназир ба ҳамроҳ овард. Бахусус, ду омил муваффақияти “Аватар”-ро тазмин кард: яке боло рафтани қимати билети синамо дар Амрико ва дигар қимати изофӣ барои айнакҳои секунҷи. Ҷеймс Кэмерон, марде, ки дар як даҳсола ду пурфурӯштарин филми ҷаҳонро сохтааст, гуфтааст, ки қисми дуввуми «Аватар»-ро низ бо Сэм Уортингтон, ҳунарманди австралиягӣ, ба навор хоҳад гирифт.

Интервю аз Ҷеймс Кэмерон[вироиш]

Дар оғоз мехостам дар бораи ба вуҷуд омадани сенарияи филм маълумот диҳам. Ин сенарияро 14 сол пеш навишта будам. Дар он замон дар кино кампанияии Тӣ Ҷидалдамен ба ҳайси директории иҷроя фаъолият доштам ва ба коргардонҳои ин студия сенарияи филми Аватарро пешниҳод кардам баъди хондани сенария онҳо ба чунин хулоса/ақидае омаданд, ки ба наворгирии ин гуна филм хеле душвор аст. Аз як ҷиҳат маблағи зиёдро талаб мекунад ва аз ҷиҳати дигар мо ин гуна техналогияро надорем ва метавонад студияи моро ба муфлисшавӣ расонад. Баъди ин ман сенарияи худро дар як ҷевони дур партофтам, ки муддати 10 сол зери чангу хок хобид. Дар гузашти вақт технология хел пеш рафт ва ба воситаи графикҳои компютери имкон пайдо шуд, ки ҳар гуна одамҳо ва ҳайвонҳои аҷоибро бисозанд ба монанди филми «Арбоби ҳалқаҳо». Ва ман ба акидае омадам, ки вакти он расидааст сенарияро аз ҷевон берун орам. Ман 4 сол пеш корро аз руи сенарияи Аватар шурӯъ намудам. Сараввал мо дизайни сайёраи Пандора ва растанию ҳайвонот ва табиати аҷиби онҷоро сохтем, ки ҳамаи ин якуним солро дар бар гирифт. Воқеаҳое, ки дар ин филм иникос ёфтаанд ба асри 22 таалуқ доранд ва ҳамаи ин дар сайёраи Пандора рух медиҳад. Табиати Пандора ниҳоят зебо ва рангин аст ва дар онҷо бисёр растаниҳои аҷоиб мерӯянд, ки дарахтонаш 30 метр қад доранд, ҷонваронаш хеле бадҳайбатанд. Дар Пандора қабилаи Нави зиндагӣ мекунанд. Онҳо ба одамон монанд, қадашон ба 3 метр мерасад дар баробари ин дум ҳам доранд ва дар танашон ба мисли паланг рахҳои кабуд мавҷуд аст. Аватарҳо аз силоҳҳои бисёр сода истофода мебаранд, монанди тиру камон. Мо ба ҳамаи ин мукшилиҳо нигоҳ накарда дар муддати 4 солу 7 моҳ филми Аватарро ба анҷом расонидем ва пешкаши тамошобинон гардонидем.

Дар нақшҳои филм[вироиш]

Ҳунарпешаҳои филми «Аватар», нигаред аз чап ба рост : Сэм Уортингтон, Зои Салдана, Сигурни Уивер, Стивен Лэнг, Мишель Родригес, Джованни Рибизи, Джоэль Мур, Си Си Эйч Паундер и Лаз Алонсо

Пайвандҳои беруна[вироиш]

  1. REDIRECT Template:imdb title
  • Pandorapedia(англ.) — энциклопедия вселенной «Аватара»