Азизҷон Раҳмонов

Мавод аз Википедиа — донишномаи озод
Jump to navigation Jump to search

Азизҷон Салмонович Раҳмонов (тав. 2.10.1961, ш. Ваҳдат), муаррих, номзади илмҳои таърих (1991), дотсент (2010).

Зиндагинома[вироиш]

Солҳои 1979–1984 дар факултети таърихи Донишкадаи давлатии омӯзгории ш. Душанбе ба номи Т. Г. Шевченко таҳсил кардааст. Солҳои 1986–1988 котиби комсомолӣ ва ассистенти кафедраи таърихи ҲКИШ-и Донишкадаи давлатии омӯзгории ш. Душанбе ба номи Т. Г. Шевченко буд. Солҳои 1989–1991 дар аспирантураи донишкадаи омӯзгорӣ таҳсил дошт. Солҳои 1992–1996 ҳамчун муаллими калони кафедраҳои таърихи сиёсӣ ва таърихи халқи тоҷики Донишгоҳи давлатии омӯзгории Тоҷикистон ба номи Садриддин Айнӣ, 1996–2002 мудири шӯъбаи фарҳанг ва иттилоот, ҷонишини раиси Раёсати ҷамъияти дӯстӣ ва равобити фарҳангии Тоҷикистон кор кардааст. Аз соли 2003 ҳамчун муаллими калони кафедраи муносибатҳои байналхалқии Донишгоҳи славянии Русияву Тоҷикистон кор мекунад. Муаллифи як силсила мақолаҳои илмӣ ва илмию методӣ мебошад, ки дар онҳо масъалаҳои таърихи сиёсӣ ва ҳаракатҳои ҷамъиятии солҳои 90-уми Тоҷикистонро баррасӣ кардааст.

Осор[вироиш]

  • Политические партии мира, России и Таджикистана, Д., 1994.

Пайвандҳои беруна[вироиш]