Акбар Акобирхоҷаи Бухороӣ
| Номи пурра | Акбар Акобирхоҷаи Бухороӣ |
|---|---|
| Навъи фаъолият: | шоир |
Акбар Акобирхоҷаи Бухороӣ (асри 19) — шоири тоҷик.
Зиндагинома
[вироиш | вироиши манбаъ]Акбар Акобирхоҷа дар зодгоҳаш Бухоро таҳсил карда, ба камол расидааст. Пас аз хатми мадраса ба тадрис шуғл меварзад. Ба гуфтаи тазкиранигор Қорӣ Раҳматуллоҳи Возеҳ («Тӯҳфат-ул-аҳбоб…») «табъаш дар назми ашъор иқтидори тамом дорад». Аз осораш намунаҳои ғазалиёт, рубоиҳо, қитъаҳо ба тавассути тазкираҳову баёзҳо боқӣ мондаанд. С. Айнӣ дар «Намунаи адабиёти тоҷик» як ғазал ва як рубоии бенуқтаро аз Акбар Акобирхоҷа ҷой додааст.
Намунаҳо аз ашъори Акбар Акобирхоҷаи Бухороӣ:
- Боз омад ба чаман сарви хиромони дигар,
- Ки шукуфт аз қадамаш тоза гулистони дигар…
- Хуб андеша кун, Акбар, намаки лаъли лабаш,
- Марав аз роҳи вафо дар талаби хони дигар.
- Магарам дил ҳаваси лолаи ҳумро дорад,
- Ки сарам васвасаи олами воло дорад.
- Домгоҳи ҳавасам, дуди дилам, оҳи саҳар,
- Масдари дарди сарам васли мудово дорад.
Эзоҳ
[вироиш | вироиши манбаъ]Сарчашма
[вироиш | вироиши манбаъ]- Акбар // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.