Алдан (дарё)

Алдан (дарё)
Дарёи Алдан дар Томмот
Мушаххасот
Тӯл	2273 км
Ҳавза	729,000 км²
Сарфи об	5,060 м³/с
Ҷараёни об
Сарчашма   (Т)
• Координатаҳо	56°26′28″ а. шим. 123°46′30″ т. ш.
Резишгоҳ    (Т)	Лена
• Баландӣ	72 м
• Координатаҳо	63°26′25″ а. шим. 129°33′44″ т. ш.
Мавқеъ
Мамлакат	Русия
Минтақа	Якутия
Рӯйхати оби Русия
18030600112117300000011
Рамзи ҳавза	18.03.06.001
Рамзи ТҲ	117300001
Ҷилди ТҲ	17 (нашр 3)
резишгоҳ
— сарчашма, — резишгоҳ
Алдан (дарё) дар Викианбор

Алдан — дарё дар Республикаи Саха, шохоби рост ва калонтарини дарёи Лена.

Масоҳат ва гузаргоҳ

Дарозиаш 2273 км, масоҳаташ ҳавзааш 729 ҳазор км2. Сарфи миёнаи об 5100 м3/сон. Аз нишебиҳои шимолии қаторкӯҳи Становой сар шуда, аз байни паҳнкӯҳҳои Алдан ва доманаи қаторкӯҳи Верхоянск мегузарад.

Таърих

Алдан таърихи қадима дорад. Аҳолии нахустин дар соҳили Алдан 30 – 40 ҳазор сол то м. маскун шудаанд. Онҳо ба шикори мамонтҳо ва каркадан машғул буданд. Дар ҳудуди соҳили Алдан бозёфтҳои давраи биринҷӣ ва оҳан пайдо гаштаанд. Резишгоҳи поёнӣ ва миёнааш – киштигард. Шохобҳои асосиаш аз чап – Амга, аз рост – Учур, Тимптон, Мая, Аллах-Юн. Манбаи асосиаш барфу борон. Яхбандӣ аз охири октябри то май давом мекунад. Давраи серобиаш май – июл буда, сатҳи об то 7 – 10 м баланд мешавад. Август – сентябр туғёни об бештар гашта, баъзан обхезӣ мешавад. Дар Алдан тосмоҳии сибирӣ, озодмоҳӣ ва шӯртан фаровон аст. Ҳавзаи Алдан конҳои тилло, ангиштсанг ва абрақ дорад. Бандарҳои калонтарини Алдан – Уст-Мая, Томмот ва Хандига.

Сарчашма

• А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2017, ҷ. 1). — ISBN 978-99947-33-45-3.