Аммофоска

Аммофоска — як навъ нурии минералӣ. Дар таркибаш 15 % N, 15 % P₂O₅, 15 % K₂O, 1,2 % H₂O мавҷуд аст. Аммофоска 45 % моддаҳои ғизоӣ дорад. Аз ин рӯ, амофоска аз ҷиҳати иқтисодӣ нисбатан камхарҷ аст. Онро барои парвариши картошка, марҷумак, зағир, лӯбиёгиҳо, тамоку, ток ва ғайра тавсия медиҳанд. Дар ҳама гуна хок истифода мешавад, хусусан барои гилхок, регхок ва хокҳои ботлоқӣ манфиатнок аст. Аммофоска нам намекашад.

Сарчашма

• А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.