Андархомӣ
(Тағйири масир аз Андархамӣ)
Андархамӣ, андархомӣ— як навъ харбузаи дерпазак.
Давраи нашваш (аз неш задани тухмӣ то пурра пухтан) 100—110 рӯз. Ҳаҷмаш калон (вазнаш 5—7 кг), дарозрӯяи тухмшакл. Пӯсташ норанҷии сабзтоб, чин-чин, сахт, тӯрдор. Мағзаш сершира ва хуштаъм. 8,5—9 % қанд дорад. Тухмпаллаҳояш ба мағз часпидаанд. Тухмаш борик, калон ва зард. Дар заминҳои шӯр сабзида, ба камобӣ тоб меорад. Аз як га то 250 сентнер (дар деҳаи Патари ноҳияи Конибодом 280—300 сентнер) ҳосил мегиранд. Тар мехӯранд, барои зимистон нигоҳ медоранд. Ба ҷойҳои дур низ кашондан мумкин. Бештар аз касалии гарда зарар мебинад.
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Справочник бахчевода. — Душанбе, 1987.
Сарчашма
[вироиш | вироиши манбаъ]- Андархамӣ // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.
- Энсиклопедияи хоҷагии қишлоқи Тоҷикистон (ҷ. 1)
 | Ин мақолаи хурд гиёҳшиносӣ аст. Бо ба густариши он ба  Википедияи Тоҷикӣ кумак кунед!. |