Иҷозаи ибҳомзудоӣ

Аномалия

Мавод аз Википедиа — донишномаи озод
Jump to navigation Jump to search

Анома́лия (юн. ανωμαλία – беҳанҷорӣ, ноҳанҷорӣ) — инҳироф аз меъёр ва қонуниятҳои умумӣ.

  • Дар тиб ва биология сохти ғайримуқаррарӣ доштан ва ё аз ҷойи ҷойгиршавии худ берун баромадани ягон узв, мавҷудияти узвҳои зиёдатӣ (масалан, ангушти барака) ва ғайра *
  • Аномалияи майдони магнитӣ – дар ягон мавзеи кураи Замин аз қиматҳои муқаррарӣ фарқ кардани қиматҳои унсурҳои майдони магнитӣ (масалан, тамоюли магнитӣ). Пурзӯртарин аномалияҳои магнитӣ ба мавҷудияти калонтарин конҳои маъдани оҳан вобаста аст (Аномалияи магнитии Курск).
  • Аномалияи қувваи вазнинӣ – фарқи байни қувваи вазнинии мушоҳидашаванда (ченшаванда) ва қимати назариявии (мӯътадили) он дар ҳамон як нуқта, ки вобастагии қувваи вазниниро аз баландии нуқтаи мушоҳидашаванда ба эътибор мегирад. Ин тафовут ба сохти умумии кураи Замин ва ба зичии ҷинсҳои кӯҳие, ки дар атрофи нуқтаи мушоҳидашаванда воқеанд, вобаста аст. Агар зичии ин ҷинсҳо аз зичии миёнаи кураи Замин фарқ кунад, аномалияи қувваи вазнинӣ рӯй медиҳад. Омӯзиши аномалияҳои қувваи вазнинӣ ва магнитӣ дар тадқиқоти геологӣ, алалхусус, дар ҳолати бо усулҳои геофизикӣ ҷустуҷӯ намудани сарватҳои зеризаминӣ васеъ истифода мегардад.


Сарчашма[вироиш]