Архангелский, Александр Александрович

Архангелский, Александр Александрович
русӣ: Александр Александрович Архангельский
Таърихи таваллуд	17 (29) декабр 1892
Зодгоҳ	Қазон, Русияи подшоҳӣ
Таърихи даргузашт	18 декабр 1978(1978-12-18) (85 сол)
Маҳалли даргузашт	Маскав, ИҶШС
Кишвар	Русияи подшоҳӣ  ҶШФСР (1917—1922)[d]  ИҶШС
Фазои илмӣ	муҳандис-конструктор[d]
Ҷойҳои кор	Central Aerohydrodynamic Institute[d]
Дараҷаи илмӣ:	доктори илмҳои техникӣ[d]
Алма-матер	Донишгоҳи давлатии техникии Маскав ба номи Н. Э. Бауман[d]
Ҷоизаҳо

Архангелский Александр Александрович (17 [29] декабр 1892, Қазон — 18 декабр 1978, Маскав) — авиаконструктор, доктори илмҳои техникӣ.

Зиндагинома

Баъди хатми Омӯзишгоҳи олии техникии Москва (1918) дар Ин-ти марказии авиаконструкторӣ (ЦАГИ) ва аз соли 1922 якҷоя бо А. Н. Туполев кор кардааст. Дар лоиҳакашӣ ва озмоишҳои аэрочанаҳою глиссерҳо, бунёди самолёти АНТ-2, АНТ-4 (ТБ-1) ва АНТ-6 (ТБ-3) иштирок намудааст. Конструктори асосии самолёти АНТ-9 («Боли Советҳо», 1929). Дар таҳияи лоиҳаи самолёти АНТ-20 («Максим Горкий») саҳми арзанда гузоштааст. Таҳти сарварии Александр Архангелский самолёти бомбаандози СБ (1936) ва намудҳои дигари он, бомбаандози Ар-2 (1940) сохта шудаанд. Соли 1937 дар асоси туҳмати бардурӯғ ҳабс карда шуда, то соли 1941 дар бюрои конструктории махсус кор кардааст. Дар давраи ҶБВ (1941- 45) аз с. 1942 муовини аввали сарконструктори Бюрои конструкторӣ (бо сарварии Туполев) буд. Александр Архангелский ба ташкили истеҳсоли як зумра самолётҳои бамбаандози Ту-2 саҳм гузоштааст. Баъди ҷанг дар лоиҳакашии самолётҳои ҳарбӣ ва мусофирбари Ту-104, Ту-114, Ту-124, Ту-134, Ту-154 иштирок кард.

Ҷоизаҳо

Дорандаи Мукофоти сталинӣ (1941, 1949, 1952), Мукофоти ленинӣ (1957), Қаҳрамони Меҳнати Сотсиалистӣ (1947).

Адабиёт

• Архангелский Александр Александрович // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.