Белл Александр Грэҳэм

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Александр Грэҳэм Белл
англисӣ: Alexander Graham Bell
Alexander Graham Bell.jpg
Санаи таваллуд:

3 март 1847({{padleft:1847|4|0}}2|0}{{padleft:3|2|0}})[1][2]

Зодгоҳ:

Эдинбург, Шотландия

Санаи марг:

2 август 1922({{padleft:1922|4|0}}2|0}{{padleft:2|2|0}})[3][2] (75 сол) ё 1 август 1922({{padleft:1922|4|0}}2|0}{{padleft:1|2|0}})[1] (75 сол)

Маҳалли марг:

Баддек, музофоти Шотландияи Нав, Канада

Мамлакат:

Flag of the United Kingdom.svg Британияи Кабир
Flag of Scotland.svg Шотландия

Ҷойҳои кор:

Smithsonian Institution[d]

Алма-матер:

Донишоҳи Эдинбург[d], University College London[d] ва Royal High School[d]

Маъруф ба:

яке аз ихтироъкорони телефон

Ҷоизаҳо ва мукофотҳо:

Медали Алберта (Ҷамъияти шоҳигарии санъат) (1902)
Медали Ҷон Фрис (1907)
Медали Эллиот Крессон (1912)
Медали Ҳюз (1913)
Медал Эдисон (1914)

Имзо:

Имзо

Александр Грэҳэм Белл дар Викианбор

Александр Греҳем Белл(англисӣ: Alexander Graham Bell; 3 марти соли 1847, Эдинбург, Шотландия2 августи соли 1922, Баддек, музофоти Шотландияи Нав, Канада) — олим, ихтироъкор ва тоҷири шотландитабори англис ва амрикоӣ, яке аз ихтироъкорони телефония, асосгузори ширкати Bell Labs (собиқ Bell Telephone Company), ки барои рушди минбаъдаи соҳаи телекоммуникатсияи ИМА асос гузоштааст

Зиндагинома[вироиш]

Белл пас аз хатми донишгохи Эдинбург чанд муддат ба омӯзгорӣ машғул буд ва баъд барои такмили дониши худ ба факултети пизишкии донишгоҳи Лондон дохил шуд. Он ҷо дар муддати 2 сол шогирди донишманди машҳур Ҳ. Ҳелмҳолс буд, ки устодаш ба ӯ ғояи омӯзиши аппарати садоии инсонро таълим дод. Белл дар овони ҷавонӣ соли 1871 тарки Англия карда, аввал ба Канада ва соли 1872 ба Амрико мусофират кард.

Ихтироъот[вироиш]

Дар Канада Белл ихтироъкориро давом дода, аз ҷумла фортопианои электрикиро сохт, ки тавассути симҳо мусиқиро интиқол медод. Аз соли 1973 ба сифати муаллими физиологияи нутқ дар Донишгоҳи Бостон кор кардааст. Соли 1976 барои «усул ва аппарат барои интиқоли нутқ ва дигар мавҷҳо ба воситаи телеграф ва бо ёрии мавҷҳои электрикӣ», яъне телефон, патенти ИМА-ро гирифт. Белл инчунин асосгузори сурдопедагогика буда, дар шаҳри Бостони Амрико мактабе таъсис дод, ки дар он омӯзгорон бояд ба ношунавоён дарс медоданд. Белл тадриҷан ба хулоса омад, ки ношунавоёнро барои сухангӯӣ омӯзондан мумкин аст. Белл ба хулосае омад, ки ношунавоён аз он ҷиҳат мустақилона гуфтугӯ карда наметавонанд, ки садои нутқи худро намешунаванд. Аз ин рӯ, ба онҳо кумак расондан лозим аст, ки аппарати садоии худро истифода бурда, овозҳоро дуруст талаффуз карда тавонанд. Белл ба такмили аппарати худ пардохт ва ниҳоят ба кашфи телефон муваффақ гардид. Дар ибтидо Белл бо микрофоне, ки дар он мембранаи тунуки оҳанӣ бо электромагнит таъсири мутақобила дошт, таҷриба гузаронида, бо муҳандис Т. Уотсон дар ихтирои тарҳ микрофон, ки қобилияти интиқоли нутқи инсонро дошт, патент гирифт. Соли 1875 Белл аввалин телефонии таҷрибавии худро сохт. Нахустин гуфтугӯи телефонӣ 10 марти 1876 сабт шудааст, ки дар он Белл ба воситаи телефони ихтироъкардааш ба ёвари дар хонаи ҳамсоя карордошта чунин гуфт: «Мистер Уотсон, ба назди ман дароед. Шумо ба ман даркоред». Дар ибтидо ихтирои Белл чандон маъмул набуд, аммо худи Белл саросари Амрико ва кишварҳои дигар сафар карда, доир ба ихтирои худ лексияҳо мехонд ва онро намоиш медод. Тадриҷан ба ихтирои Белл одамон мароқ зоҳир намуданд ва ӯ тавонист диққати соҳибкорони саноатро ба худ ҷалб кунад. Соли 1878 ширкати телефонии Белл ба кор шурӯъ кард ва соли 1879 бо ширкати «Вестерн Юнион» муттаҳид шуда, «Белл компани» ном гирифт. Пас аз маъмул гаштани телефонҳо ӯ фоидаи калон ба даст оварда, дар Вашингтон Пажӯҳишгоҳи ба номи А. Волтро таъсис дод ва олимони ҷавону боистеъдодро дастгирӣ мекард. Худи Белл дар лоиҳаҳои гуногун, аз ҷумла дар соҳаи авиатсия, ҳидродинамика, истифодаи шуои рӯшноӣ (самте, ки минбаъд технологияҳои нахию оптикиро ба вуҷуд овард), таҳқиқот бурдааст.

Бузургдошт[вироиш]

Ба ифтихори Белл Ассотсиатсияи байналмилалии ғайритиҷоратии «Пажӯҳишгоҳи муҳандисони электротехника ва электроника» (IEEE) барои таҳқиқот ва ихтирооти бузург дар соҳаи коммуникатсия Медали тиллои ба номи Беллро таъсис дод.

Эзоҳ[вироиш]

  1. 1.0 1.1 Record #119408643 // Общий нормативный контроль — 2012—2016.
  2. 2.0 2.1 data.bnf.fr: open data platform, платформа відкритих даних, платформа открытых данных — 2011.
  3. Person Profile // Internet Movie Database — 1990.

Сарчашма[вироиш]

Энсиклопедияи Миллии Тоҷик Мақола дар асоси маводи Энсиклопедияи Миллии Тоҷик навишта шудааст.