Бирмингем

Бирмингем
	Шаҳр
Бирмингем
	англ. Birmingham
Парчам	Нишон
	52°29′ с. ш. 1°54′ з. д.HGЯO
Кишвар	Бритониёи Кабир
Роҳбар	Yvonne Mosquito[d]
Таърих ва ҷуғрофиё
Таъсис	асри VII
Аввалин номбарӣ	1166
Масоҳат	267,77 ± 0,01 км²;
Баландии марказ	140 ± 1 м
Минтақаи замонӣ	UTC±00:00[d] ва UTC+1[d]
Аҳолӣ
Аҳолӣ	▲1 137 100 тан (2017);
Забони расмӣ	инглисӣ
Шиносаҳои ададӣ
Пешшумораи телефон	121
Нишонаи почта	B
	birmingham.gov.uk
Нишон додан/Пинҳон кардани харита
	Бирмингем
	Парвандаҳо дар Викианбор

Ин вожа дигар маъноҳо низ дорад, Бирмингем (мазмунҳо)-ро бубинед.

Би́рмингем (англ. Birmingham [ˈbɜːmɪŋəm] (итт.), [ˈbɜːmɪŋɡəm]) — шаҳр дар Британи‌яи Кабир, дар қисми марказии Англия.

Ҷуғрофиё

Аҳолиаш 1,1 млн нафар (2010, дувумин шаҳри бузург баъди Лондон). Масоҳ. 267,8 км². Маркази р. о. ва роҳҳои автомобилгард. Фурудгоҳи байналмилалӣ дорад. Маскуншавии нахустин дар Бирмингем ба садаи 11 рост меояд. Мавқеи ҷуғрофиёиаш барои рушди Бирмингем мусоидат намудааст; дар садаи 13 бо намоишгоҳи фурӯши маҳсулот (ярмаркаҳо) ва дертар бо ривоҷи ҳунари косибӣ маъмул гардидааст. Дар охирҳои садаи 18 ба маркази филиззкорӣ (металлургия)-и сиёҳ, саноати мошинасозӣ, маснуоти филиззӣ ва саноати низомӣ табдил ёфт. Бирменгеми муосир шаҳри саноатӣ буда, минтақаи асосии саноатӣ, молиявӣ ва тиҷоратии Англия ба ҳисоб меравад. Соҳаҳои асосии саноаташ: хӯрокворӣ, мошинсозӣ, тайёрасозӣ, электротехника, дастгоҳсозӣ, табъу нашр буда, велосипед ва мотосикл истеҳсол карда мешаванд. Дар Бирмингем 3 донишгоҳ ва 2 коллеҷи назди донишгоҳ мавҷуд аст. Мактаби Шоҳ Эдвард яке аз таълимгоҳҳои беҳтарини занонаи Англия ба ҳисоб меравад. Ёдгорҳои таърихӣ: Калисои ҷомеи Филиппи Муқаддас (1765), Калисои Павели Муқаддас (1779), Калисои ҷомеи Чэди Муқаддас (1841). Дар маркази шаҳр майдони Виктория бо ратуша дар услуби классикӣ (1834) ва яке аз фаввораҳои бузургтарини Аврупо ҷойгир аст. Нигористони санъати бадеӣ ва нафиса, осорхонаи нақлиёт ва р. о., китобхона, оркестри симфонӣ дорад. Дар наздикии Бирменгем дар Борнвилл осорхонаи шоколади ширкати «Кэдберри» воқеъ гаштааст.

Эзоҳ

Сарчашма

Бирмингем // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.

Пайвандҳо