Бозор

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Бозор дар Бангладеш.

Бозор (аз порсӣ: بازار ) — яке аз ҷойҳои муайяни хариду фурӯш, гирифтани фоида ва ғайраҳо.

Kалимаи бозор бо маънои (бо-хӯроки пухта ва суффикси зор) дар ибтидо ҷойи таомхӯрӣ ва таомфурӯширо ифода менамудааст. Ба маънои боз овардан: - бозор, равнақи муомилот ва савдо низ омадааст. Ба маънои маҳали махсус ва муайяни хариду фурӯш, гирифтани фоида ва ғайраҳо ҳам вомехӯрад. Мувофиқи маълумотҳои маъхазҳои таърихӣ бозор то давраи Иттиҳоди Шӯравӣ дар ҳаёти ҷамъиятӣ мақоми махсус ва калонеро доро будааст.

Бозор аз замонҳои қадим ба ғайр аз макони хариду фурӯши молу маҳсулот ҳамчун ҷойи ҳунарнамоӣ, худситоӣ, зӯрозмоӣ, мусоҳибаю муоширати олимону шоирон, бозиҳои гуногун (дорбозӣ, раққосӣ, мутрибӣ, шатранҷбозӣ ва ғайра), мусобиқаҳо (гӯштингирӣ, ҷангандозии чорпоёну парандагон, тирандозию набардҳои ҳарбӣ), намоишу фурӯши маводҳои зиёдкунандаи ҳусну зебоӣ (бозор ва ё растаи ҳусн) ва ҳамаи намудҳои хизматрасониҳои ҳамон давраро ба мардум пешниҳод менамуданд. Кашонидани молу маҳсулот, ҳимоя намудани он аз роҳзанон дар роҳ, посбонии анбору бозор, ҷойҳои нигоҳдории чорвоҳои кории бозоргонон, додани корвонсарой ба ҳоҷатмандон, ошхонаю ҳаммом, масҷиду мадраса ва ғайраҳо аз ҷумлаи ин хизматрасониҳо буданд.[1]

Пайнавиштҳо[вироиш]

  1. Донишномаи Ҳисор. - Душанбе: "Ирфон", 2015, - с. 177-179