Мавод аз Википедиа — донишномаи озод
Боқӣ, Маҳмуд Абдулбоқӣ (1526[1][2][3][…] ё 1526[4], Қустантиния — 7 апрел 1600[2][5][6] ё 1600[4], Қустантиния) — шоири турк.
Дар мадрасаи Сулаймонияи Истанбул таҳсил кардааст. Дар 19˗солагӣ чун шоири мақоми аввали Истанбул шуҳрат ёфт ва ба хидмати ҳукмрони давр Султон Сулаймон дохил шуд. Минбаъд мударриси мадрасаҳои машҳури он замон ва қозӣ (муддате дар Макка) буд. Боқӣ девони ашъор (нашри якумаш — 1859; нашрҳои дигар ҳам дорад), тарҷумаи якчанд асари арабӣ дар масоили адабӣ, ирфонӣ ва динӣ дорад. Мас., яке аз тарҷумаҳои ӯ «Фазоили Макка» номида шудааст, ки тарҷумаи туркии «ал-Аълом фӣ аҳволи Баладиллоҳи-л-Ҳаром»-и Қутбуддин Аҳмад ибни Маккӣ мебошад (хатми таълиф 1579). Нусхаҳо аз тарҷумаҳои Боқӣ дар китобхонаҳои Туркия мавҷуданд. Боқӣ қасида, ғазал, рубоӣ ва ғ. эҷод кардааст. Дар эҷодиёташ таъсири Ҳофиз, Салмони Соваҷӣ, Камоли Хуҷандӣ аён аст.
| |
|---|
| Фарҳангҳо ва донишномаҳо | |
|---|
Дар феҳристҳои китобшинохтӣ |
|---|
|
|
Парвандаҳо дар Викианбор
