Бурҳон Раҷабов

Мавод аз Википедиа — донишномаи озод
Jump to navigation Jump to search
Бурҳон Раҷабов
Бурҳон Раҷабов
Навъи фаъолият:

ҳунарпешаи театр

Санаи таваллуд:

5 август 1936(1936-08-05)

Зодгоҳ:

Самарқанд ҶШС Узбекистон

Шаҳрвандӣ:

Парчами Тоҷикистон, Тоҷикистон

Санаи марг:

5 август 2011(2011-08-05) (75 сол)

Маҳалли марг:

Самарқанд

Ҷоизаҳо:

Бурҳон Раҷабов – ҳунарпешаи Театри давлатии академии драмавии ба номи А. Лоҳутӣ, Ҳунарпешаи хизматнишондодаи ҶШС Тоҷикистон (1977). Ҳунарпешаи халқии ҶШС Тоҷикистон (1989).

Зиндагинома[вироиш]

Бурҳон Раҷаб 5 августи с. 1936 дар гузари Мирзопӯлоди ш. Самарқанд ба дунё омадааст. Дастпарвари мак. миёнаи № 5 ш. Самарқанд (1955). Фак. ҳунарпешагии Ин.-ути театриву рассомии Тошканд ба номи А. Н. Островскийро хатм кардааст (1959). Ҳунарпешаи Театри давлатии академии драмавии ба номи А. Лоҳутӣ, (1959-1996). Соли 1996 ба зодгоҳаш – ш. Самарқанд кӯчидааст. Дар ҳамкорӣ бо адиб ва драматург Адаш Истад ва бо иштир. актёрони ҷавони театр-студияи «Овози Самарқанд» намоишномаи «Хӯса»-ро ба ҳайси реж. саҳнагузорӣ кардааст. Бо Ифтихорномаи Фахрии Президиуми Совети Олии ҶШС Тоҷикистон ва Ӯзбекистон, идораҳои Ҳукумати СССР дар соҳаи маданият ва ҳунар тақдир карда шудааст. Ӯ 5 августи cоли 2011 дар ш. Самарқанд аз олам чашм пӯшидааст.

Эҷодиёт[вироиш]

Дар пиесаҳои драматургҳои шӯравӣ, тоҷикӣ ва русӣ, классикони адабиёти ҷаҳон беш аз 100 нақш бозидааст. Нақшҳои дар театр офаридааш масхарабоз («Шоҳ Лир»-и У. Шекспир, 1961), Лабад («Кӯҳистон»-и Р. Ғамзатов, 1961), Шмага («Гунаҳкорони бегуноҳ»-и А. Островский, 1963), Лаунс («Ду веронагӣ»-и У. Шекспир, 1967), Саидхон («Сароби хунин»-и С. Азимов, 1971), дарвеш («Шаби гирифтани моҳ»-и Мустай Карим, 1972), Азимшоҳ («Дохунда»-и С. Айнӣ, 1976), ҳокими шаҳр («Ревизор»-и Н. В. Гогол, 1977), Холмат («Бой ва хизматгор»-и Ҳамза Ҳакимзода Ниёзӣ, 1982), Ҷӯрабой («Гавҳари шабчароғ»-и С. Улуғзода), Сабур Сабурович («Интихоби домод»-и Ҳоҷӣ Содиқ), Фамусов («Дод аз дасти ақл»-и А. Грибоедов), Войнитский («Ванятағо»-и А. П. Чехов, 1982), сарлашкар («Вопасин амиралмӯъминин»-и Ф. Муҳаммадиев), Афросиёб («Рустам ва Сӯҳроб»-и Ғ. Абдулло), Гургин («Бежан ва Манижа»-и Хушкинобӣ), Ксанф («Эзоп»-и Г. Фигейредо), Олимбек («Сарбозони инқилоб»-и Ғ. Абдулло) ва диг.

Дар кинофилмҳои "Тоҷикфилм" низ ҳунарнамоӣ намуда дар филмҳои «Хомӯшӣ нахоҳад шуд», «Ҳасани аробакаш» (реж. Борис Кимёгаров), «Паланг даркор» (реж. Б. Арабов), «Боз як шаби Шаҳризод», «Афсонаҳои нави Шаҳризод», «Шаби охирини Шаҳризод», «Ашк ва шамшер» (реж. Тоҳир Собиров) нақшҳои ҷолибдиққатеро иҷро кардааст. Бурҳон Раҷаб дар иҷрои нақшҳои мазҳакавӣ маҳорати ба хеш хосеро дошт.[1]

Манбаъ[вироиш]

  1. Аслҳо ва наслҳо. - Душанбе,2013. - C. 109. ISBN 978-99947-958-2-6