Вазопрессин

Мавод аз Википедиа — донишномаи озод
Jump to navigation Jump to search

Вазопрессин (аз лот. vas – раг ва pressus – фишор) — ҳормони пептидӣ, ки дар ҳуҷайраҳои гипоталамус ҳосил мешавад.

Вазопрессин ба воситаи нахҳои бандчаи гипоталамусу ҳипофиз ба ҳуҷайраҳои ҳиссаи қафои ҳипофиз интиқол меёбад. Вазопрессин обро дар андомгон (организм) нигоҳ дошта, рагҳои хунро меангезад, ба маҷрои хун гузашта, барои дар савияи зарурии физиологӣ нигоҳ доштани мубодилаи обу намак кумак мерасонад. Ҳангоми бисёр рост истодан, беҳад гарм будани ҳаво, шӯру ғавғо, дард, зиқӣ, кори вазнини ҷисмонӣ, хунравӣ ва талафи об миқдори Вазопрессин дар хун меафзояд. Дар натиҷаи дароз кашидан, сард будани ҳаво, бисёр ошомидани об, истеъмоли машруботи спиртдор раванди ҳосил шудану ба хун гузаштани Вазопрессин коҳиш меёбад. Ихтилоли ҳосилшавии Вазопресин боиси сар задани диабети беқанд мешавад. Дар хуни одамони солим фақат бақияи Вазопрессин (дар 1 мл хун тақр. 4 микровоҳид), дар миқдори умумии пешоби шаборӯзӣ 40–60 микровоҳиди Вазопрессин мавҷуд аст.

Адабиёт[вироиш]

  • Теппермен Дж. Физиология обмена веществ и эндокринной системы. М., 1989;
  • Шмидт Р., Тевса С. Физиология человека. М., 1996.

Сарчашма[вироиш]