Вобканд

Шаҳр
Вобканд
ӯзбекӣ: Vobkent
Кишвар	Ӯзбекистон
Таърих ва ҷуғрофиё
Аввалин номбарӣ	асри X
Баландии марказ	241 м
Минтақаи замонӣ	UTC+05:00
Аҳолӣ
Аҳолӣ	▲16 600 тан (2004)
Парвандаҳо дар Викианбор

Вобканд (ӯзбекӣ: Vobkent, Вобкент) — шаҳр дар вилояти Бухорои Ҷумҳурии Ӯзбекистон. Маркази маъмурии ноҳия тумани Вобканд.

Ҷуғрофиё ва аҳолӣ

Вобканд яке аз шаҳрҳои қадимии Осиёи Миёна буда, дар масофаи 28 км дуртар аз шаҳри Бухоро воқеъ аст. Аҳолиаш 20,6 ҳазор нафар (2014), асосан тоҷикҳо ва ӯзбекҳо, инчунин русҳо, тоторҳо ва дигар миллатҳо зиндагонӣ мекунанд. Аз ҳудуди Вобканд яке аз шохобҳои дарёи Зарафшон ҷорӣ мешавад. Вобканд аслан шаҳри ҳунармандон буда, саноати бофандагӣ ва парандапарварӣ ривоҷ ёфтааст. Д

Таърих

ар асрҳои миёна дар ҳудуди Вобканд якчанд деҳа (қӯрғон) мавҷуд буданд, ки яке аз онҳо деҳаи Наршах дар қисми ғарбии он аст. Олими таърихнигор (сармуншии дарбори Сомониён) Абубакр Муҳаммад ибни Ҷаъфари Наршахӣ (муаллифи «Таърихи Наршахӣ», 934—944) дар ҳамин деҳа таваллуд шудааст. Ҳангоми шӯриши Муқаннаъ деҳаи Наршах яке марказҳои он будааст. Дар маъхазҳои садаи XIV («Баҳру-л-асрор»-и Маҳмуд ибни Валӣ ва «Маҷмаъу-л-арқон»-и Мирзо Бадеъ) маълумот дар бораи шаҳри Вобканд зикр шудааст. Ҳангоми салтанати Темуриёни Ҳинд ва Шайбониҳо дар Вобканд зарробхона мавҷуд буда, ба номи амирон танга зарб мекарданд.

Ёдгориҳои меъморӣ

Аз ёдгориҳои меъморӣ Манораи Вобканд, ки аз ҷониби Садри Бухоро — Бурҳонуддин Абдулазиз соли 595 ҳиҷрӣ (1198—1199 м) бунёд шудааст, боқӣ мондааст.

Адабиёт

• Ӯзбекистон миллий энциклопедияси.2 жилд. Тошкент, 2001;
• Дмитрий Пейдж. Бухара. Путеводитель по архитектурным и историческим достопримечательностям. Ташкент, 2013.

Сарчашма

• Вобкент // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.