Волаҳии Қумӣ

Мавод аз Википедиа — донишномаи озод
Волаҳии Қумӣ
Навъи фаъолият: шоир

Мир Муҳаммадюсуф Волаҳии Қумӣ (форсӣ: میر والهی قمی‎; ? — тақр. 1616) — шоири эронӣ.

Зиндагинома[вироиш | вироиши манбаъ]

Дар зодгоҳаш — Қуми Эрон таҳсил карда, касби камол намудааст. Сафаре ба Ҳинд доштааст. Шоири тавоно, мусиқидону шеършинос будааст. Дар девонаш (иборат аз 6 ҳазор байт) қасоид, ғазалиёт, рубоиёт ва дигар анвои шеъри сурудааш фароҳам омадаанд. Аз обрӯву эътибори Волаҳии Қумӣ он далел низ гувоҳ аст, ки аксари тазкиранависон — Озар, Соммирзои Сафавӣ, Ҳусайни Сабо, муаллифони «Шамъи анҷуман», «Хулосату-л-ашъор ва зубдату-л-афкор», умуман зиёда аз 25 тазкиранавис дар борааш маълумот дода, намунаҳои ашъорашро сабт кардаанд. Мас., дар «Хулосату-л-ашъор» беш аз 200 байти ӯ оварда шудааст. Байти зерин аз ӯст:

Хаёли қатл, ки имрӯз дар дилат мегашт,
Ки мегузаштиву аз ғамзаи ту хун мерехт.

Эзоҳ[вироиш | вироиши манбаъ]

Адабиёт[вироиш | вироиши манбаъ]

  • . مطربئ سمرقندی. تذکرةالشعرأ. تهران، 1377 هـ. ش

Сарчашма[вироиш | вироиши манбаъ]