Гаага

Гаага
	Шаҳр
Гаага
	ҳол. Den Haag / Шаблон:Lang-nl2
Парчам	Нишон[d]
	52°05′03″ с. ш. 4°19′03″ в. д.HGЯO
Кишвар	Ҳоланд
Роҳбар	Jan van Zanen[d]
Таърих ва ҷуғрофиё
Таъсис	асри XIII
Масоҳат	98,12 км²; 98,13 км²;
Баландии марказ	1 м
Минтақаи замонӣ	Central European Time[d]
Аҳолӣ
Аҳолӣ	▲548 320 тан (1 январ 2021);
Номи қавмӣ	гаа́гец, гаа́гцы
Шиносаҳои ададӣ
Пешшумораи телефон	070
Нишонаи почта	2491–2599
Дигар
Транспортные артерии	A4, A12, А13, А44, N14
Шаблон:+ПозКарты
	denhaag.nl
Нишон додан/Пинҳон кардани харита
	Гаага
	Парвандаҳо дар Викианбор

Гаа́га (ҳол. Den Haag, МФА: [dɛnˈɦaˑχ] (итт.) / Шаблон:Lang-nl2, МФА: [ˈsxraːvə(n)ˌɦaːɣə] (итт.)) — шаҳр дар ғарби Нидерландия, қароргоҳи шоҳ ва ҳукумат, маркази маъмурии Ҳолландияи Ҷанубӣ. Масоҳаташ 98,20 км². Аҳолиаш 510,8 ҳазор нафар (2014).

Нақлиёт

Бандар дар соҳили баҳри Шимолӣ, маркази нақлиётии муҳим. Ба воситаи наҳрҳо, р. о. ва роҳҳои автомобилгард бо бандари Роттердам, пойтахти расмии мамлакат — Амстердам ва шаҳрҳои дигар мепайвандад.

Таърих

Гаага бори нахуст дар сарчашмаҳои соли 1097 зикр шудааст. Дар ибтидо шикоргоҳи сарватмандони ҳолландӣ буд. Соли 1248 Виллеми Ҳолландӣ дар ин ҷо қалъае бунёд кард, ки баъдан дар атрофаш сукунатгоҳ қомат афрохт. Соли 1577 Г. ба қароргоҳи Вилгелми Оранӣ табдил дода шуд. Аз соли 1585 дар ин ҷо Иёлоти Генералии Ҷумҳурии музофоти муттаҳида ҷой гирифта Гаага бидуни ҳуқуқи шаҳр будан пойтахти он гардид. Соли 1806 пойтахти мазкур ба Амстердам интиқол ёфт ва ба Гаага ҳуқуқи шаҳр дода шуд. Соли 1813 яке аз марказҳои шӯриши зиддифаронсавӣ буд. Аз соли 1815 дар Гаага қароргоҳи монарх (шоҳ), парламенту ҳукумат, Суди олии шоҳӣ қарор доранд. Дар ин ҷо чандин конференсияи байналхалқӣ баргузор гардидааст. Бештари сокинони Гаага дар маркази маъмурӣ ва муассисаҳои ҳукуматӣ кор мекунанд. Дар Гаага қароргоҳи Суди байналмилалии СММ (трибунали ҳарбии Гаага), намояндагии СММ, Академияи байналмилалии ҳуқуқ, Суди байналхалқии ҷиноятӣ, Суди байналмилалии ҳакамӣ, қароргоҳи ширкати «Ройял Датч Шелл» воқеъ аст.

Иқтисод

Корхонаҳои бузурги саноати истеҳсоли техникаи электронӣ, коркарди филиззот, шиша, кимиёӣ, табъу нашр ва хӯрокворӣ (бештар қаноддӣ) бисёранд. Дар Гаага осори меъмории асрҳои 12-18 боқӣ мондааст. Академияи шоҳаншоҳии саноеи нафиса, Консерваторияи шоҳаншоҳии мусиқӣ ва рақс, Донишкадаи байналмилалии таҳқиқоти иҷтимоӣ, Нигористони бадеии шоҳаншоҳии Маурисхёйс (рассомии асрҳои 15-17), Нигористони шоҳзода Виллеми V, Осорхонаи Месдаг, осорхонаи либосҳо, китобхонаи шоҳаншоҳӣ мавҷуд аст. Мадюродам осорхонаи зери осмони кушод буда, дар он дастовардҳои муҳимтарини Ҳолландия дар андозаи 1: 25 ба намоиш гузошта шудаанд. Дар канори шарқии Г. дар Схевенинген фароғатгоҳҳои соҳили баҳр мавҷуданд.

Эзоҳ

↑ Словесное ударение на gramota.ru
↑ (unspecified title)
↑ Kerncijfers wijken en buurten 2021 — 2021.

Сарчашма

Гаага // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.

Пайвандҳо

Сомонаи расмии Гаага

Ин мақолаи хурд аст. Бо густариши он ба Википедия кӯмак кунед.
Дар сурати имкон ин ёддошт бояд дақиқтар ҷойгузин шавад.

[1] Словесное ударение на gramota.ru

[_73d9c2cdd0c351e1-2] (unspecified title)

[_c5d1f5b05ecc34d2-3] Kerncijfers wijken en buurten 2021 — 2021.

[2]

[3]

[1]