Галлон

Канистри бензини ба ҳаҷми 1 галлон ИМА, 0,8 галлони салтанатӣ ё 3,7 литр.

Кадом кишварҳо барои бензин кадом воҳиди ченакро истифода мебаранд: ██ Литр ██ Галлони ИМА ██ Галлони салтанатӣ ██ Маълумот нест

Галло́н (англ. gallon) — воҳиди ҳаҷм (гунҷоиш, зарфият) дар системаи англисии воҳидҳо.

Галлон дар Англия, ИМА ва кишварҳои дигар, асосан, барои чен кардани ҳаҷми ҷисмҳои моеъ ва пошхӯранда (шоро) истифода мешавад. Галлони англисӣ ва амрикоӣ бо андозаҳои худ аз ҳам фарқ мекунанд. Галлони англисӣ = 4,54609 л, галлони амрикоӣ барои моеъот = 3,78543 л ва барои ҷисмҳои пошхӯранда = 4,405 л аст. Пинта ва унсия ҳиссавоҳидҳои галлон мебошанд.

Сарчашма

• Галлон // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.