Гурбабозӣ

Мавод аз Википедиа — донишномаи озод
Jump to navigation Jump to search

Гурбабозӣ – як навъ бозии анъанавии духтарон. Дар майдони кушод 7-12 нафар духтарон ҷамъ омада, ба таври нимдоира қатор меистанд. Як нафар нақши «гурба»-ро иҷро мекунад. «Гурба» дар рӯ ба рӯйи духтарон истода, бо онҳо муколама мекунад: Гурба: мияв-мияв. Духтарон: чи хел ранг? Гурба: сурх (ё номи ягон рангро мегӯяд). Дар ҳамин вақт гурба ба сӯйи духтарон медавад. Духтарон ба ҳар тараф мегурезанд, то ки ҳар чи зудтар ранги интихобкардаи гурбаро, ёфта ба он даст расонанд. Кадом духтаре, ки он рангро наёбад, ё ба он даст расонида натавонад, гурба ӯро дастгир мекунад. Шахси дастгиршуда дар навбати дигар «гурба» мешавад. Дар ноҳияи Деваштич (Ғончӣ) Вилояти Суғд нимфаъол аст.[1]

Адабиёт[вироиш]

  • Донишномаи фарҳанги мардуми тоҷик. Ҷ.1. – Душанбе, 2015. – С. 208

Нигаред низ[вироиш]

Эзоҳ[вироиш]

  1. Феҳристи миллии фаҳанги ғайримоддӣ /Natioal list of intangible cultural hertage/ Пажӯшиҳгоҳи илмӣ-тадқиқотии фарҳанг ва иттилооти Вазорати фарҳанги ҶТ – Душанбе: «Аржанг» 2016, – С. 210