Далерон-Ӯротеппа
 Далерон-Ӯротеппа
| |||
| Номи пурра | Бошгоҳи футболи «Далерон-Ӯротеппа» Истаравшан | ||
| Лақаб | Истаравшаниҳо | ||
| Таъсис | 2011 | ||
|---|---|---|---|
| Барҳам | 2016 | ||
| Майдон | Истаравшан-Арена | ||
| Ғунҷоиш | 18 000 | ||
| Президент | Алишер Фозилов | ||
| Капитан | Сӯҳроб Мансуров | ||
| Сайт | uroteppa.blogspot.ru | ||
| Мусобиқа | Лигаи олии Тоҷикистон | ||
| 2015 | 9 | ||
| |||
«Далерон-Ӯротеппа» — бошгоҳи футболи тоҷик аз шаҳри Истаравшан, иштирокчии Лигаи олии Чемпионати Тоҷикистон, барандаи медали биринҷии соли 2014.
Таърих
[вироиш | вироиши манбаъ]Ин бошгоҳ қабл аз оғози мавсими соли 2011 таъсис ёфта, аз ҳисоби бозигароне, ки аз дастаи пешсафи шаҳр - Истаравшан рафтанд, ташкил шудааст. «Далерон» дар мавсими нахуст дар минтақаи Суғд Лигаи якум бозӣ карда, дар ҷойи шашум баромад. Дар соли 2012 бошгоҳ дар ҳамин мусобиқот пирӯзии комил ба даст овард, аммо бо тасмими мақомоти вилоят баъдан аз гузаштан ба Лигаи олӣ худдорӣ кард[1].
«Далерон-Ӯротеппа» соли 2013 дар мусобиқаи минтақавии Лигаи аввал аз тими «Эсхата»-и Хуҷанд шикаст хӯрда, ҷои дуюмро ишғол намуда, дар сабқати ниҳоӣ ҷои сеюмро ишғол карта, ҳаққи пешрафтро нагирифт.
Аммо дар баробари ин, ба далели мушкилоти молӣ, БФ "Истаравшан", ки соли 2013 дар Лигаи олӣ дар ҷои охир қарор дошт, аз фаъолият бозмонд. Ва ба Далерон-Ӯротеппа ҷои худро дар лига дод. Дар ҳамин ҳол, дар бозиҳои байнимавсимии 2013/14 эҳтимоли муттаҳидшавии «Далерон» ва «Истаравшан» матраҳ шуда буд, вале ҳеҷ гоҳ ин тавр нашуд ва «Далерон» як бошгоҳи мустақил боқӣ монд[2].
Ӯ қабл аз оғози Лигаи олӣ ҳайати худро на танҳо бо бозигарони барҳамхӯрдаи Истаравшан, балки бо дигар бозигарон, аз ҷумла, сатҳи тими миллии Тоҷикистон пурзӯр намуд. Ҳимоятгар Алексей Неъматов, бародарон Далер ва Давронҷон Тухтасуновҳо, ҳамлагари собиқадор Нӯъмонҷон Ҳакимов, бозигарони хориҷӣ Фарҳод Юлдошев ва Соломон Теҷӣ ба даста шомил шуданд.
Дар бозии дебютӣ 12 апрели соли 2014 «Далерон-Ӯротеппа» дар майдони худ «Энергетик»-и пойтахтро қабул кард (мусовӣ 1:1). Пас аз даври аввал бошгоҳ ҳамагӣ дар ҷои ҳафтум қарор дошт, вале таҳти роҳбарии мураббии нав Маҳмадҷон Ҳабибуллоев дар даври дуюм хеле хуб бозӣ карданд – аз 9 бозӣ 6 бозӣ бурд ва 3 бозиро мусовӣ анҷом доданд ва дар натиҷа соҳиби медали биринҷӣ гардиданд.
Соли 2015 «Далерон-Ӯротеппа» заиф баромад карда, дар байни 10 даста ҷои 9-умро гирифт. Ва пеш аз оғози мавсими соли 2016 ӯ аз иштирок дар Лигаи олӣ даст кашид[3]..
Номҳо
[вироиш | вироиши манбаъ]- 2011—2012 — «Далерон».
- 2013 — «Ӯротеппа».
- 2013—2016 — «Далерон-Ӯротеппа».
Дастгирии мухлисон
[вироиш | вироиши манбаъ]Дар мавсими соли 2014 варзишгоҳи даста «Истаравшан Арена» аз ҳама бештар дар Тоҷикистон буд. Ва дар «Дербии Суғд» бо «Хуҷанд» рекорди мутлақ ба қайд гирифта шуд – дар ин бозӣ ҳудуди 14 000 нафар ширкат карданд.
Дербии Суғд
[вироиш | вироиши манбаъ]Рақибони мухлисони «Далерон-Ӯротеппа» бошгоҳи «Хуҷанд» мебошанд. Яке аз сабабҳои ин рӯёрӯӣ наздикии ҷуғрофии шаҳрҳост. Аввалин дербӣ дар вақте сурат гирифт, ки «Далерон-Ӯротеппа» дар Лигаи якум баромад мекард. Бозӣ бо ҳисоби 2:2 анҷом ёфт.
Дар Лигаи олӣ дастаҳо дар Хуҷанд вохӯрданд ва дар ин бозӣ ҳам қувва баробар буд – 0:0. Аммо рӯзи 1 ноябр дар майдони «Истаравшан Арена» мизбонон бо ҳисоби 1:0 пирӯз шуданд. Голи ягонаро ба дарвозаи «Хуҷанд» Нӯъмонҷон Ҳакимов зад.
Дастовардҳо
[вироиш | вироиши манбаъ]- Дорандаи медали биринҷии Чемпионати Тоҷикистон: 2014.
Мураббиён
[вироиш | вироиши манбаъ]- Асадулло Нуруллоев (~2012—2013)
- Турдиев Аҳлиддин (феврал-июн 2014)[4][5]
- Асадулло Нуруллоев (июн—июл 2014)
- Ҳабибуллоев, Маҳмадҷон Ҳалимович (август 2014-январ 2015)[6]
- Маъруф Рустамов (феврал-июл 2015)
- Алиёр Ашурмамадов (июл 2015 — март 2016)
Эзоҳ
[вироиш | вироиши манбаъ]- ↑ В высшей лиге выступит один истаравшанский клуб. 19 сентябри 2024 санҷида шуд. Баргирифта аз сарчашмаи аввал 13 Январ 2015.
- ↑ «Истаравшан» и «Далерон», возможно, объединятся в один клуб(пайванди дастнорас — таърих). 13 Январ 2015 санҷида шуд. Баргирифта аз сарчашмаи аввал 6 марти 2016.
- ↑ «ДАЛЕРОН» НЕ ПРИМЕТ УЧАСТИЕ В ЧЕМПИОНАТЕ ТАДЖИКИСТАНА-2016(пайванди дастнорас — таърих).
- ↑ Ахлиддин Турдиев стал главным тренером команды «Далерон-Уротеппа»(пайванди дастнорас — таърих). 13 Январ 2015 санҷида шуд. Баргирифта аз сарчашмаи аввал 13 Январ 2015.
- ↑ Отставка главного тренера «Далерон-Уротеппа»(пайванди дастнорас — таърих).
- ↑ Махмаджон Хабибуллоев возглавил «Далерон-Уротеппа»(пайванди дастнорас — таърих). 13 Январ 2015 санҷида шуд. Баргирифта аз сарчашмаи аввал 26 Январ 2016.