Донишгоҳи давлатии Данғара

Донишгоҳи давлатии Данғара - муассисаи давлатии таълимии таҳсилоти олии касбии бисёрсоҳа мебошад. Муассиси Донишгоҳ Вазорати маорифи Ҷумҳурии Тоҷикистон мебошад. Донишгоҳ дар вилояти Хатлон, ноҳияи Данғара кучаи марказӣ 25 ҷойгир аст.

Маълумоти мухтасар

Донишгоҳи давлатии Данғара бо қарори Ҳукумати Ҷумҳурии Тоҷикистон аз 2 майи соли 2013, №205 дар заминаи филиали ба номи Шириншоҳ Шоҳтемур дар ноҳияи Данғара таъсис дода шудааст. Сарпарасти донишгоҳ Вазорати маориф ва илми Ҷумҳурии Тоҷикистон мебошад. Мақоми донишгоҳ мактаби олии касбӣ буда, дорои иҷозатномаҳои (литсензияҳои) давлатии Вазорати маориф ва илми Ҷумҳурии Тоҷикистон оид ба ҳуқуқи пешбурди фаъолияти таълимӣ дар соҳаи таҳсилоти олии касбӣ ва Шаҳодатнома дар бораи аккредитатсияи давлатӣ мебошад.

Таърих

Сиёсати бунёдкорона ва башардӯстонаи Президенти Ҷумҳурии Тоҷикистон, муҳтарам Эмомалӣ Раҳмон дар соҳаи илму маориф ва маърифатнокии ҷомеа шоистаи таҳсину пайравӣ буда, дар ҷумҳурӣ гардиши куллиеро ба вуҷуд овард. Дастуру супоришҳои Роҳбари Давлатро дар мулоқот ва дарсҳои сулҳ, ки 1-уми сентябр пайваста дар муассисаҳои таълимӣ бо кормандони соҳаи маорифи кишвар баргузор мегарданд, ҳамчун ҳуҷҷатҳои раҳнамунсоз қабул карда, баҳри татбиқи ин дастуру супоришҳо мудом саъю кӯшиш доранд.

Донишгоҳи давлатии Данғара бо қарори Ҳукумати Ҷумҳурии Тоҷикистон аз 2 майи соли 2013 №205 дар заминаи Филиали ДАТ ба номи Шириншоҳ Шоҳтемур дар ноҳияи Данғара таъсис дода шудааст.

Донишгоҳи давлатии Данғара бо мақсади таъмини болоравии сифати таьлим дар доираи Консепсияи миллии ислоҳоти маорифи Вазорати маориф ва илми Ҷумҳурии Тоҷикистон, дурнамо ва роҳҳои пайгиронаи воридшавии кишварамонро ба фазои ягонаи таҳсилоти Аврупо, ки самти муҳими он гузариш ба низоми кредитии таҳсилот аст, дар амал татбиқ намуда, ҷараёни таълим аз соли таҳсилёби инҷониб тибқи низоми кредитии таҳсилот ба роҳ монда шудааст.

Донишгоҳи навтаъсис илова ба 15 номгӯи ихтисосҳои дар самтҳои забонҳо, муҳандисӣ, агротехнологӣ ва иқтисодӣ дар назди пешина Филиали Донишгоҳи аграрии Тоҷикистон ба номи Шириншоҳ Шоҳтемур дар ноҳияи Данғара амалкунанда 10 номгӯи нави ихтисосҳоро дар самти илмҳои табиатшиносӣ таъсис дода, аз рӯи онҳо низ қабули довталабонро аз соли 2013 ба роҳ монд.

Раванди ташкил ва гузаронидани корҳои таълимӣ дар Донишгоҳи давлатии Данғара чун дар дигар муассисаҳои таълимии таҳсилоти олии касбии ҷумҳурӣ аз рӯи ҳар ду низом – низоми анъанавӣ ва низоми таҳсилоти кредитӣ ба роҳ монда шудааст. Донишгоҳ аз оғози соли таҳсили 2013-2014 пурра ба низоми таҳсилоти кредитӣ гузаронидани тамоми ихтисосҳои дар назди Донишгоҳ амалкунандаро тасдиқ намуд. Қисми таълим бо ҷалби намояндагони садорати факултетҳо ва мудирону омӯзгорони кафедраҳо дар як муддати кӯтоҳ нақшаҳои тамоми ихтисосҳои донишгоҳро пурра ба низоми кредитӣ мураттаб гардонида, тасдиқ ва мавриди истифода қарор дод. [1]

Факултетҳо

Донишгоҳ дорои 8 факултет ва кафедраи ҳарбӣ мебошад.

• Табиӣ-риёзӣ, педагогика ва рушди нерӯи инсонӣ
• Иқтисодиёти соҳавӣ ва менеҷменти инноватсионӣ
• Агробиология, стандартизатсия ва тибби бойторӣ
• Муҳандисӣ ва технологияҳои муосири истеҳсолӣ
• Лингвистика ва муоширати байнифарҳангӣ [2]
• Муносибатҳои иқтисодии байналмилалӣ ва технологияҳои иттилоотӣ
• Идораи давлатӣ, ҳифзи ҳуқуқ ва рушди сайёҳӣ
• Таҳсилоти фосилавӣ ва ғоибона.

Раёсат

Ректори Донишгоҳ - Шоҳиён Нурали Набот, номзади илми техникӣ, доктори илми педагогика [3] Бойгонӣ шудааст 20 октябри 2020  сол.

Пайвандҳо

• Донишгоҳи давлатии Данғара (пайванди дастнорас)