Елена Гоголева

Елена Гоголева
Таърихи таваллуд:	25 март (7 апрел) 1900
Зодгоҳ:	Маскав, Русияи подшоҳӣ
Таърихи даргузашт:	15 ноябр 1993(1993-11-15) (93 сол)
Маҳалли даргузашт:	Маскав, Русия
Шаҳрвандӣ:	ИҶШС  Русия
Касб:	ҳунарпеша
Солҳои фаъолият	аз 1918
Ҷоизаҳо:
Парвандаҳо дар Викианбор

Еле́на Никола́евна Го́голева (25 март [7 апрел] 1900, Маскав — 15 ноябр 1993, Маскав) — ҳунарпешаи рус, Артисти халқии ИҶШС (1949), Қаҳрамони Меҳнати Сотсиалистӣ (1974).

Зиндагинома

Аз соли 1918 дар Театри Хурди Маскав кор кардааст, яке аз ҳунарпешагони номдори ин театр буд. Як силсила тимсолҳои драматикию мазҳакавии классикӣ (София, «Дод аз дасти ақл»-и А. С. Грибоедов; Курчина, «Гунаҳкорони бегуноҳ»; Лидия, «Гулҳои бодоварда»; Мурзоветская, «Гургҳову гӯсфандон»; ҳама аз А. Н. Островский; герсогиня Малборо, «Як истакон об»-и Э. Скриба; бону Краули, «Ярмаркаи мағрурон»-и У. Теккер) ва муосир (Горолева, «Барои дар баҳрбудагон»-и Б. А. Лавренёва; Голорова, «Хулқи маскавӣ»-и А. В. Сафронова ва ғ.) офаридааст. Дар чандин нақшҳои романтикию фоҷиавӣ, мисли шоҳдухтар Эболи, хонум Милфорд («Дон Карлос», «Макр ва муҳаббат»-и Ф. Шиллер), Марина Минишск («Борис Годунов»-и А. С. Пушкин ва ғ.) низ истеъдоди баланди ӯ ҳувайдост. Дар филмҳои «Гобсек» (1937), «Инро набояд фаромӯш кард» (1954) ва ғ. нақш офаридааст. Дорандаи мукофоти давлати ИҶШС (1947, 1948, 1949). Бо ордени Ленин ва чандин ордену медалҳо сарфароз гардидааст.

Адабиёт

• Лозинская Я. Е. Н. Гогольева. М. — Л.; 1949;
• Театральная энциклопедия. Т. 2. М., 1963;
• Новая российская энциклопедия. Т. IV (2), М., 2008.

Сарчашма

• Гоголева Елена Николаевна // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.