Иля Глазунов

Иля Глазунов
Иля Глазунов
	русӣ: Илья Сергеевич Глазунов
Таърихи таваллуд	10 июн 1930[…]
Зодгоҳ:	Санкт-Петербург, ҶШФСР[d], ИҶШС;
Таърихи даргузашт	9 июл 2017 (87 сол)
Маҳалли даргузашт	Маскав, Русия;
Мамлакат:	ИҶШС; Русия;
Жанр	такчеҳра ва наққошии таърихӣ[d]
Сайт	glazunov.ru(англ.)(рус.)
	Парвандаҳо дар Викианбор

Иля Глазунов (русӣ: Илья́ Серге́евич Глазуно́в; 10 июн 1930^[1]^[2]^[3]^[…], Санкт-Петербург — 9 июл 2017^[2]^[1]^[4], Маскав) — мусаввир ва графики рус, академики АР Федератсияи Русия (2000). Рассоми халқии ИҶШС (1980).

Зиндагинома

Ректори Академияи рассомӣ, ҳайкалтарошӣ ва меъмории Русия (аз соли 1987), дар Институти давлатии рассомии Маскав ба номи В. Суриков (аз соли 1978) дарс медиҳад; узви ифтихории Академияи рассомии Салтанатии Мадрид ва Барселона (1979). Дар Институти рассомӣ, ҳайкалтарошӣ ва меъмории ба номи И. Е. Репини АР ИҶШС, дар назди Б. В. Иогансон (1951-57) таҳсил кардааст. Иля Глазунов дар намуду жанрҳои гуногун: чеҳранигорӣ, манзаранигорӣ, графика, мусаввараҳои таърихӣ, саҳнаороӣ, намоя асарҳо офаридааст. Қариб тамоми осори офаридаи ӯ аз 4 силсила иборат аст. Иля Глазунов аз миёнаи солҳои 1950 ба мавзӯи «шаҳр» рӯ меорад. Наққошиву мусаввараҳои ин силсила рӯзгори ҳамзамононро инъикос мекунанд, аз ҷумла хусусияти ҳасбиҳолӣ доранд («Баҳори Ленинград», 1955; «Шаҳр», «Тасвири ҳамсар», 1955 ва ғ.). Силсилаи дигар — «Таърихи Русия» ба дарки бадеиву фалсафии таърихи Рус бахшида шудааст («Майдони Куликово», 1961-80; «Андрей Рублёв», 1964 ва ғ.). Ниҳояти ин силсила мусаввара — намояҳои бисёршакл мебошанд, ки таърихи на танҳо Русия, балки ҷаҳонро низ фаро гирифтаанд («Мистерияи асри XX», 1977-99; «Русияи ҷовидон», 1988; «Бедор шав, Русия», 1994). Силсилаи дигарро тасвирҳо (портретҳо)-и сершумор ташкил медиҳанд. Давраи муҳим дар эҷодиёти рассом ороиши асарҳои бадеӣ мебошад. Ин силсила корҳои Иля Глазунов-ро дар мавзӯъҳои романҳои Ф. М. Достоевский (аз соли 1956), Н. С. Лесков (1972) ва дигарон дар бар мегирад. Иля Глазунов ҳамчун публитсисти график (сиёҳқаламӣ) низ маъруф аст (силсилаҳои «Ветнам», 1967; «Чили», 1969 ва 1973; «Никарагуа», 1983-84). Ӯ яке аз ташкилкунандагони Ҷамъияти умумироссиягии ҳифзи ёдгориҳои таърихӣ ва фарҳангӣ (1967) мебошад. Соли 1997 барои таъмири Кремли Маскав бо Мукофоти давлатии Федератсияи Русия қадр карда шудааст.

Осор

Дорога к тебе: из записок художника // Молодая гвардия. 1965. № 10-12. 1966. № 2-3;
Россия распятая. — М.: Роман-газета ,1996 г.; 496 страниц; ISBN 5-88155-540-6
Россия распятая. — М.: Агентство КРПА Олимп; 2006 г.;792 страниц Издание 2-е, доп., ISBN 5-7164-0538-X
Россия распятая. В 2 т., в 4 кн. — М.: Голос-Пресс, 2008. — ISBN 978-5-7117-0052-4.
Россия распятая. — 3-е изд. дополн.: АСТ, 2017. — 1104 с. илл. фото. репродукц. — 2000 экз. ISBN 978-5-7117-0052-4 (Большая биография)

Эзоҳ

↑ ^1.0 ^1.1 ^1.2 ^1.3 Discogs (ингл.) — 2000.
↑ ^2.0 ^2.1 ^2.2 ^2.3 RKDartists (нидерл.)
↑ ^3.0 ^3.1 Malakhov N. Y. Glazunov, Il’ya (ингл.) // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T032838
↑ ^4.0 ^4.1 Munzinger Personen (нем.)

Сарчашма

Глазунов Иля Сергеевич // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.

[_e30c13d83dc09f50-1] 1.0 ^1.1 ^1.2 ^1.3 Discogs (ингл.) — 2000.

[_b1aabb574e0eeda0-2] 2.0 ^2.1 ^2.2 ^2.3 RKDartists (нидерл.)

[_c582a0360dcce7df-3] 3.0 ^3.1 Malakhov N. Y. Glazunov, Il’ya (ингл.) // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T032838

[_739a59056550e5d7-4] 4.0 ^4.1 Munzinger Personen (нем.)

[1]

[2]

[3]

[4]