Исо ибни Умари Сақафӣ

Исо ибни Умари Сақафӣ
ар. عيسى بن عمر الثقفي‎
Таърихи таваллуд	номаълум
Таърихи даргузашт	766

Исо ибни Умари Сақафӣ (ар. عيسى بن عمر الثقفي‎; номаълум — 766) — забоншиноси араб, асосгузори мактаби наҳвшиносии Басра.

Зиндагинома

Аз аҳли қабилаи Банӣ Сақаф (тахаллусаш аз номи ҳамин қабила аст). Осори Сақафӣ то замони мо боқӣ намондааст. Аз ишороти шогирдонаш Халил ибни Аҳмад, Сибавайҳ бармеояд, ки Сақофӣ муаллифи ду асар: 1) «Ал-Ҷомеъ» (ҷамъи қоидаҳои наҳви забони арабӣ); 2) «Ал-Икмол» («Пуркунанда») будааст. Сақафӣ кӯшидааст қонуну қоидаҳои забони арабиро ба низоми муаӣян дароварад. Дар «Ал-Ҷомеъ»-и Сақафӣ бори аввал дар бораи мафҳуми лаҳҷа ва калимаву мафҳумҳои ба қоидаҳои забони адабии арабӣ номувофиқ сухан рафтааст. Сақафӣ яке аз намояндагони «қироати сабъа» (ҳафт навъи тиловати Қуръон) буд.

Адабиёт

• Сақофӣ // Сақофӣ — Ховалинг. — Д. : СИЭСТ, 1987. — (Энциклопедияи Советии Тоҷик : [дар 8 ҷ.] / сармуҳаррир М. Д. Диноршоев ; 1978—1988, ҷ. 7).