Кавкабии Гурҷӣ
| Амирхон | |
| Таърихи таваллуд | 1520 |
| Зодгоҳ | шаҳри Табрез |
| Таърихи даргузашт | 1578 Табрез |
| Пеша(ҳо) | мусиқидон |
Кавкабии Гурҷӣ (Амирхон, машҳур ба Кавкабӣ, с. тав. 1520, ваф. 1578 Табрез), мусиқидон, шоир, оҳангсози номии замони Cафавиён (1502-1736). Зиндагӣ ва фаъолияти эҷодии ӯ дар замони Султон Ҳусайни Сафавӣ (1528-1557) сурат гирифта, дар шеъру мусиқӣ, таснифофарӣ маҳорати баланд дошт. Муддате дар дарбори Султон Ҳусайн хидмат карда, дар васфи ӯ ашъори рангин сохта, «Рисолаи мусиқӣ» -ро ба номи мамдӯҳаш таълиф намудааст. К.Г. дар ашъораш 12-ма-қом, 6-овоза, 24-шӯъба, таркиботи созию овозии ин маҷмӯи мусиқии устодонаро сутуда, дар «Ри-солаи мусиқӣ» (ба назму наср аст), аз осори ман-зуми мусиқии Наҷмуддин Гавҳарии Кавкабии Бухороӣ (ваф. 1535) баҳра андӯхта, нусхаи ин рисола дар захираи хаттии Китобхонаи Мулк (ш. 1652, барои Эҳтимомулмулк, котиб Алиободии Мозандаронӣ, таърихаш 1315) маҳфуз аст. К.Г. барои Султон Ҳусайни Сафавӣ таснифоти зиёде сохта, махсусан «Таснифи фатҳномаи Қандаҳор» дар ҳавзаҳои ҳунарии Эрону Хуросон шуҳрати зиёд касб намудааст.
Адабиёт[вироиш | вироиши манбаъ]
Машҳун Ҳ. Таърихи мусиқии Эрон, ҷ.1, Теҳрон, 1375; Кавкабии Гурҷӣ, Рисолаи мусиқӣ, китобхон. Мулк (Эрон), ш. 1652; Вожаномаи мусиқии Эронзамин, Теҳрон, 1375; Наҷмуддини Кавкабии Бухороӣ, Рисолаи мусиқӣ, Рисола дар баёни Дувоздаҳмақом, таҳия ва таҳқиқи Аскаралӣ Раҷабов, Душ., 1985.[1]
Ҳамчунин нигаред[вироиш | вироиши манбаъ]
Сарчашма[вироиш | вироиши манбаъ]
- ↑ Донишномаи Шашмақом./Зери таҳрири Олимов К., Абдувалиев А., Азизӣ Ф., Раҷабов А., Ҳакимов Н. – Душанбе, 2009. - с. 93 ISBN 978-99947-49-13-3
|
Ин мақолаи хурд аст. Бо густариши он ба Википедия кӯмак кунед. Дар сурати имкон ин ёддошт бояд дақиқтар ҷойгузин шавад. |