Камолуддини Ҳусайнӣ
| Мавлоно Камоли Ҳусайнӣ | |
| Таърихи таваллуд | 1450 |
| Зодгоҳ | Ҳирот |
| Таърихи даргузашт | 1507 |
| Пеша(ҳо) | навозанда, сароянда |
Камолуддини Ҳусайнӣ (форсӣ: کمالالدین حسینی, Мавлоно Камоли Ҳусайнӣ; 1450, Ҳирот — 1507, ҳамон ҷо) — навозанда, мусанниф, сароянда ва мусиқидони тоҷик-форс.
Зиндагинома
[вироиш | вироиши манбаъ]Асос ва назарияи мусиқиро аз донишмандону устодони созу овози Ҳироту Самарқанд Маҳмуд Ҳусайнӣ, Мавлоно Алишоҳ, Амир Муртаз, Хоҷа Юсуфи Бурҳон, Хоҷа Абдуллоҳи Марворид, Абулвафои Хоразмӣ, Хоҷа Шаҳобуддини Марворид омӯхтааст. Дар сознавозиву сарояндагӣ ва таснифи оҳанг маҳорати фавқулода дошт. Дар шаклу анвои шеърию мусиқии «амал», «савт», «кор», «рехта», «саҷъ», «нақш», «қавл», усулҳои «Барафшон», «Уфар», «Шодиёна», «Мухаммас», «Чанбар» ва мақомҳои «Ҳусайнӣ», «Рост», «Бузург», «Ушшоқ» асарҳои созию овозӣ эҷод кардааст. Дар доираҳои ҳунарии Ҳирот, Марв, Бухоро ва Самарқанд шуҳрат пайдо карда буд. «Нақши Ҳусайнӣ», «Амали Равона», «Сунбулии Ҳусайнӣ», «Савти Ҳиротӣ» аз таснифоти машҳури ӯ мебошанд.
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Камолуддини Ҳусайн / А. Раҷабов // Исҳоқ — Кашиш. — Д. : СИЭМТ, 2020. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 9). — ISBN 978-99975-68-17-5.
- Донишномаи Шашмақом./Зери таҳрири Олимов К., Абдувалиев А., Азизӣ Ф., Раҷабов А., Ҳакимов Н. — Д., 2009. — С. 94. — ISBN 978-99947-49-13-3.