Кироми Бухороӣ
| Зодгоҳ: | |
|---|---|
| Маҳалли даргузашт: | |
| Шаҳрвандӣ (табаият): | |
| Навъи фаъолият: | шоир |
| Забони осор: | тоҷикӣ ва форсӣ |
Абдулатиф Кироми Бухороӣ (форсӣ: کرام بخارایی; Бухоро — Бухоро) — шоири тоҷик садаи XVII.
Зиндагинома[вироиш | вироиши манбаъ]
Киром дар Бухоро ба камол расид. Вале аз беқадрию хору зориаш ҷилои Ватан карда, дар оварагию дарбардарӣ умр ба сар бурд. Ниҳоят пас аз саргардониҳои зиёд боз ба Бухоро баргашт.
Абдулатиф Кироми Бухороӣ дар шаҳри Бухоро таваллуд ёфта аст. Абдулатиф овони ҷавониро дар зодгоҳаш гузаронида, дар ҳамин ҷой касби камол кардаву ба сухангӯйӣ пардохта аст. Вай аз суханварони муосири Сайидои Насафӣ буда, дар ҷодаи шеъру шоирӣ Бедил ва Соибро пайгирӣ намуда аст. Аз ҷараёни минбаъдаи ҳаёти шоир то ин дам маълумоти дигаре дастрас нагардида аст.
Кироми Бухороӣ ҳамчун устоди ғазал маъруфу машҳур гардида, аз ӯ девони мукаммали ғазалиёт ба мерос мондааст. Аз ин девони шоир чанде нусхаи мураттаби хаттӣ, ҳамчунин иддае аз ғазалҳои алоҳидаи ӯ дар дохили баёзу мунтахабот боқӣ монда аст.
Аз ғазалиёт[вироиш | вироиши манбаъ]
Омехта бо хок зи ҳастӣ бадани мо,
Чун ғунча зи зун рехта ранги чамани мо.
Чун реги равон пешаи мо хонабадӯшист,
Осоиши манзил набувад дар ватани мо.
Мо фикри таманнои хатти сабзи ту кардем,
Баргест хазондида баҳори чамани мо.
Моро ҳаваси сайри гулистон касе нест,
Аз атласи гул дӯхта шуд пираҳани мо.
Азбаски ба дил завқи тамошои ту дорем,
Чун дом бувад чашм саропо ватани мо.
Хар гоҳ ки кардем ҳавои лаби лаълаш,
Гулрехта чун ғунча, Киром, аз даҳани мо.
Эзоҳ[вироиш | вироиши манбаъ]
Адабиёт[вироиш | вироиши манбаъ]
- Саъдиев С., Адабиёти тоҷик дар асри XVII, Душанбе., 1985
- Гулшани Адаб., ҷилди IV, Душанбе, «Ирфон», 1977