Маркази биотехнологии Донишгоҳи миллии Тоҷикистон

Мавод аз Википедиа — донишномаи озод
(Тағйири масир аз Маркази биотехнологии ДМТ)
Jump to navigation Jump to search

Маркази биотехнологии Донишгоҳи миллии Тоҷикистон дар асоси қарори Ҳукумати Ҷумҳурии Тоҷикистон аз 2.12.2009 № 667 «Дар бораи тадбирҳои татбиқи Фармони Президенти Ҷумҳурии Тоҷикистон аз 15 сентябри соли 2009, № 707» («Таъсиси маркази биотехнологӣ дар Донишгоҳи миллии Тоҷикистон») бо фармони ректори ДМТ аз 29 декабри соли 2009, дар назди институти илмию-тадқиқотии ДМТ таъсис дода шуд.

Сардори Маркази биотехнологӣ - Хуршеда Иномовна Бобоҷонова, номзади илмҳои биология, дотсент, узви вобастаи Академияи муҳандисии Ҷумҳурии Тоҷикистон таъин карда шуд.

9 декабри соли 2011 озмоишгоҳҳои Маркази биотехнологӣ ба таври расмӣ ифтитоҳ гардид. Мақсади фаъолияти Маркази биотехнологӣ – рушди тадқиқотҳои илмӣ дар соҳаи биотехнология, коркарди самтҳои пажўҳишҳои илмӣ дар асоси афзалиятҳои давлатии инкишофи илмӣ-техникӣ бо назардошти аҳамияти иҷтимоӣ-иқтисодии он мебошад.

Мавзўи илмии Маркази биотехнологӣ «Коркарди тарзи тайёр намудан ва афзун гардондани маводи кўчатии солимгардонидашудаи навъҳои мањаллии ангур дар шароити «in vitro» аз тарафи Шўрои ҳамоҳангсозии Академияи илмҳои Тоҷикистон барои солҳои 2013-2017 тасдиқ гардид. Коллексияи Маркази биотехнологӣ 70 навъи ангурро ташкил медиҳад.


Аксҳои Маркази биотехнологии ДМТ[вироиш]

Пайвандҳои беруна[вироиш]

Cомонаи Донишгоҳи миллии Тоҷикистон/Маркази биотехнологӣ