Мастура Ортиқзода

Мастура Ортиқзода
Мастура Ортиқзода
Таърихи таваллуд:	8 январ 1968 (56 сол)
Шаҳрвандӣ:	Тоҷикистон;
Касб:	ҳунарпешаи театр, бозигари синамо, коргардони филм, садогузор
Ҷоизаҳо:	Ҳунарпешаи шоистаи Тоҷикистон (2018)
IMDb:	ID 6902356

Мастура Ортиқзода (Ортиқова Мастура Ҷорубовна^[1]; зод. 8 январи 1968, ҶШС Тоҷикистон) — коргардони театр, садогузор ва ҳунарпешаи театру синамо. Ҳунарпешаи шоистаи Тоҷикистон (2018)^[2]^[3]. Узви Иттиҳодияи синамогарони Тоҷикистон (2009).

Зиндагинома

Хатмкардаи бахши актиёри драма ва кинои фтаи театрии Институти давлатии санъати Тоҷикистон ба номи М.Турсунзода (1989). Ҳунарпешаи театр-студияи «Полуостров» (1989—1991), ҳунарпешаи Театри Лоҳутӣ (аз соли 1991) мебошад. Дар филмҳои тоҷикӣ аз соли 1990 нақш офаридааст. Ҳамчунин, ба ҳайси ҳунарпешаи тарҷумон (дубляж) низ дар киностудияи «Тоҷикфилм» нақш мебозад.

Театр

Дар намоишномаҳои Наргис дар «Тарсу»-и Н. Табаров, Модар дар «Роҳгумзада»-и Д.Убайдуллоев, Ситора дар «Афсонаҳои мӯйсафед»-и Н.Абдуллоев, Мастура дар «Драмаи миллат»-и С.Аюбӣ, Назокат дар «Суробҳо»-и Н. Табаров, Шарлотта дар «Дон Жуан»-и Ж. Б. Молйер, рӯбоҳ дар «Шерафган»-и Қ. Сатторӣ, Бону дар «Дод аз дасти Афандӣ»-и Ғ. Ашӯров, Модар дар «Ҳамсафар»-и Р. Қудратов, ҳамсоязан дар «Куҷо равонаем»-и Н. Абдуллоев, Устинова дар «Ҳисоби дӯстон дар дил»-и А. Островский, Смиралдина дар «Хизматгори ду хоҷа»-и К. Голдони, Наргис дар «Чодари найранг»-и Т. Аҳмадхонов, Дилоромхола дар «Бояд донем ва тавонем»-и А. Абдураҳмонов, ҳамсари заргар дар «Қиссаи ғамгину рангин»-и Т. Аҳмадхонов, «Дузди боинсоф», «Меҳмони нохонда», «Мусичаро напаронед»-и Н. Табаров нақш бозидааст.

Синамо

Бозигарӣ

1991 — Бародар
1998 — Парвози занбӯр
2009 — Қиёми рӯз
2010 — Баррачаи хаёлӣ

Коргардонӣ

Ба ҳайси коргардон бошад филмҳои «Қарзи виҷдон» ва «Фарзандони бегуноҳ»-ро ба тамошобинон пешкаш намудааст. Дар ҷодаи коргардонии дубляж низ ҳунари худро санҷидааст^[4].

Эзоҳ

↑ Ортиқова Мастура Ҷорубовна // Энсиклопедияи бонувони шинохтаи тоҷик — Д., 2021. — С. 333. — 520 с. — ISBN 978-999-75-68-20-5
↑ Фармони Президенти Ҷумҳурии Тоҷикистон дар бораи сарфарозгардонии кормандони соҳаи илму фарҳанг, истеҳсоли мол ва хизматрасониҳо, мақомоти маҳаллии ҳокимияти давлатӣ, дигар хизматчиёни давлатӣ ва соҳибкорони хусусӣ бо мукофотҳои давлатии Ҷумҳурии Тоҷикистон. www.president.tj. Президенти Тоҷикистон (7 августи 2018). 29 феврали 2024 санҷида шуд.
↑ Овозхон Исмоилов, шоир Давлат Сафар: раисиҷумҳур ба фарҳангиёни тоҷик ҷоиза дод(тоҷ.). Sputnik Тоҷикистон (30 августи 2018). 23 ноябри 2023 санҷида шуд.
↑ Фарзона Восеева. Бонуи саҳна. Бонувони Тоҷикистон (17 марти 2019). 23 ноябри 2023 санҷида шуд. Баргирифта аз сарчашмаи аввал 23 ноябри 2023.

[1] Ортиқова Мастура Ҷорубовна // Энсиклопедияи бонувони шинохтаи тоҷик — Д., 2021. — С. 333. — 520 с. — ISBN 978-999-75-68-20-5

[2] Фармони Президенти Ҷумҳурии Тоҷикистон дар бораи сарфарозгардонии кормандони соҳаи илму фарҳанг, истеҳсоли мол ва хизматрасониҳо, мақомоти маҳаллии ҳокимияти давлатӣ, дигар хизматчиёни давлатӣ ва соҳибкорони хусусӣ бо мукофотҳои давлатии Ҷумҳурии Тоҷикистон. www.president.tj. Президенти Тоҷикистон (7 августи 2018). 29 феврали 2024 санҷида шуд.

[3] Овозхон Исмоилов, шоир Давлат Сафар: раисиҷумҳур ба фарҳангиёни тоҷик ҷоиза дод(тоҷ.). Sputnik Тоҷикистон (30 августи 2018). 23 ноябри 2023 санҷида шуд.

[4] Фарзона Восеева. Бонуи саҳна. Бонувони Тоҷикистон (17 марти 2019). 23 ноябри 2023 санҷида шуд. Баргирифта аз сарчашмаи аввал 23 ноябри 2023.

[1]

[2]

[3]

[4]