Бахтиёр Маҳмадалӣ

Бахтиёр Маҳмадалӣ
Маҳмадалиев Бахтиёр Набиевич
Таърихи таваллуд	24 феврал 1971(1971-02-24) (53 сол)
Зодгоҳ	ноҳияи Совет, вилояти Кӯлоб, ҶШС Тоҷикистон
Кишвар	Тоҷикистон
Фазои илмӣ	иқтисод
Ҷойҳои кор	Кумитаи андози назди ҳукумати Ҷумҳурии Тоҷикистон Донишкадаи андоз ва ҳуқуқи Тоҷикистон Дастгоҳи иҷроияи Президенти Ҷумҳурии Тоҷикистон Донишгоҳи давлатии молия ва иқтисоди Тоҷикистон Донишкадаи кӯҳию металлургии Тоҷикистон (аз 2020)
Дараҷаи илмӣ:	номзади илмҳои иқтисод
Унвонҳои илмӣ	дотсент
Алма-матер	Донишгоҳи давлатии Ростов Донишкадаи андоз ва ҳуқуқи Тоҷикистон

Бахтиёр Маҳмадалӣ (Маҳмадалиев Бахтиёр Набевич; зод. 24 феврали 1971, ноҳияи Совет, вилояти Кӯлоб) — иқтисоддон, номзади илмҳои иқтисод (2016), дотсент (2019).

Зиндагинома

Маҳмадалӣ Бахтиёр Набӣ 24 феврали соли 1971 дар деҳаи Кангурти ноҳияи Совети вилояти Кӯлоб таваллуд шудааст. Соли 1993 Донишгоҳи давлатии Ростовро аз рӯи ихтисоси сиёсатшинос, омӯзгори фанҳои сиёсӣ, соли 2002 Донишкадаи андоз ва ҳуқуқи Тоҷикистонро аз рӯи касби иқтисодчӣ-бозраси андоз, соли 2005 Донишкадаи иқтисодии Тоҷикистонро аз рӯи ихтисоси ҳуқуқшинос ва соли 2020 Коллеҷи кӯҳии назди Донишкадаи кӯҳию металлургии Тоҷикистонро аз рӯи касби истихроҷи конҳои канданиҳои фоиданок хатм намудааст.  

Корнома

Фаъолияти кориашро соли 1995 дар шуъбаи методологияи андозсупорандагони Кумитаи андози назди ҳукумати Ҷумҳурии Тоҷикистон оғоз намуда, то соли 2000 дар вазифаҳои нозир, нозири калон, сарнозир ва сардори шуъба адои вазифа намудааст.

Солҳои 2001—2003 муаллими калони кафедраи «Андоз ва андозбандӣ»-и Донишкадаи андоз ва ҳуқуқи Тоҷикистон, солҳои 2003—2006 сардори шуъбаи кадрҳои Донишкадаи андоз ва ҳуқуқи Тоҷикистон, солҳои 2006—2007 сардори шуъбаи кадрҳои Донишкадаи иқтисодии Тоҷикистон, солҳои 2007—2008 сармутахассиси раёсати танзими анъана ва ҷашну маросимҳои Дастгоҳи иҷроияи Президенти Ҷумҳурии Тоҷикистон, солҳои 2008—2013 ёрдамчии Роҳбари Дастгоҳи иҷроияи Президенти Ҷумҳурии Тоҷикистон, солҳои 2013—2014 мудири бахши Шуъбаи шуғл ва ҳифзи иҷтимоии Дастгоҳи иҷроияи Президенти Ҷумҳурии Тоҷикистон, солҳои 2014—2017 сармутахассиси раёсати рушди иҷтимоии Дастгоҳи иҷроияи Президенти Ҷумҳурии Тоҷикистон, солҳои 2017−2018 дотсенти кафедраи «Андоз ва андозбандӣ», докторант-коромӯзи кафедраи «Назарияи иқтисодӣ»-и Донишгоҳи давлатии молия ва иқтисоди Тоҷикистон, солҳои 2018—2020 дар вазифаи директори Коллеҷи кӯҳии Донишкадаи куҳию металлургии Тоҷикистон фаъолият намудааст.

Аз 24 ноябри соли 2020 ректори Донишкадаи кӯҳию металлургии Тоҷикистон таъйин гардид.

Фаъолияти илмӣ

Муаллифи беш аз 70 мақолаи илмию методӣ дар самти иқтисодӣ, иҷтимоӣ, экологӣ ва муаллифи 2 монография, 2 васоити таълимӣ, 2 китоби дарсӣ мебошад.

Осор

• Вопросы интеграции экологии и развития экономики в РТ (Душанбе, 2016);
• Махмадалиев Б. Н. Устойчивый экономический рост Таджикистана в условиях рыночной экономики. — Душанбе: ҶММ «Олами дониш», 2018. — 169 стр. — ISBN 978-9947-945-1-5
• Луғати мухтасари истилоҳоти иқтисодию иҷтимоӣ ва ҳуқуқӣ (Душанбе, 2018);
• Менеҷменти экологӣ (Бӯстон, 2021);
• Рушди устувори иқтисодии минтақаҳои Тоҷикистон дар шароити иқтисоди бозорӣ (Душанбе, 2021).

Ҷоизаҳо

Бо нишони «Аълочии маорифи Тоҷикистон» (2005) ва медали «Хидмати шоиста» (2020) қадрдонӣ шудааст.