Нуриддин Қаюмов

Мавод аз Википедиа — донишномаи озод
Jump to navigation Jump to search
Нуриддин Қаюмов
Нуриддин Қаюмович Қаюмов
Санаи таваллуд:

12 августи соли 1937

Зодгоҳ:

деҳаи Дар-Дар, Ноҳияи Айнӣ

Фазои илмӣ:

академики академияи илмҳои тоҷикистон,олим

Нуриддин Қаюмович Қаюмов (Зодрӯз 12 августи соли 1937) - олим, Доктори илмҳои иқтисодӣ (1985), профессор (1988). академики Академияи илмҳои Тоҷикистон (2001), узви вобастаи Академияи илмҳои Тоҷикистон (1991). Арбоби шоистаи илм ва техникаи Тоҷикистон (1995).

Зиндагинома[вироиш]

Донишгоҳи давлатии Тоҷикистон ба номи В.И.Ленинро хатм кардааст (1961). ихтисос – «иқтисодиёт». Самтҳои асосии фаъолияти илмӣ: сиёсати давлатии иқтисодии Ҷумҳурии Тоҷикистон дар давраи гузариш, назария ва амалияи самаранокии истеҳсолоти ҷамъиятӣ, рушд ва ҷобаҷогузории қувваҳои истеҳсолӣ, барқароршавӣ ва пешрафти иқтисоди бозоргонӣ, асосҳои илмии ҳамгироии иқтисодиёти Тоҷикистон дар иқтисоди ҷаҳонӣ. Мудири бахш, мудири шӯъба, муовини директори Институти иқтисодиёти АИ ҶШС Тоҷикистон (1970-1981), директори Институти иқтисодиёт ва усулҳои иқтисодиву математикии банақшагирӣ бо Маркази ҳисоби Госплани Ҷумҳурии Тоҷикистон (1981-1993), мушовири давлатии Президенти Ҷумҳурии Тоҷикистон дар масъалаҳои иҷтимоиву иқтисодӣ (1994), директори Маркази таҳқиқоти стратегии назди Президенти Ҷумҳурии Тоҷикистон (1995-1997), муовини вазири иқтисод ва робитаҳои берунии иқтисодии Ҷумҳурии Тоҷикистон (1998-2001), директори Институти таҳқиқоти иқтисодии Вазорати иқтисод ва савдои Ҷумҳурии Тоҷикистон (2001-2009).

Ҷоизаҳо[вироиш]

  • Бо медалҳои «Барои меҳнати шоён». Ба муносибати 100-солагии рӯзи таваллуди В.И.Ленин»,
  • «Ветерани меҳнат»,
  • Ифтихорномаи Раёсати Шӯрои Олии ҶШС Тоҷикистон тақдир шудааст.
  • Арбоби шоистаи илм ва техникаи Тоҷикистон (1995).

Манобеъ[вироиш]

  • Каюмов Нуриддин
  • Академияи илмҳои Ҷумҳурии Тоҷикистон.Ҳайати шахсӣ. – Душанбе: Дониш, 2011. - 216 с.

Нигаред[вироиш]