Оила

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Як оилаи амрикоӣ

Оила - (русӣ: семья), (англисӣ: family) ин ду ва зиёда шахсоне, ки ҳамроҳ нияти якҷоя зиндагонӣ кардан доранд ва аз тарафи давлат ва дар назди Худованд ин ният тасдиқ карда шудааст.

Одатан оила аз ду нафар иборат аст мард ва зан. Оила аз ҳама муҳимтарин қисмати сохти ҷамоати инсонӣ буда дар хама шакл дар боло меистад.

Дар Кодекси оилаи Ҷумҳурии Тоҷикистон (аз 13 ноябри соли 1998) Моддаи 1. Заминаҳои асосии қонунҳои оила чунин омадааст:

« 2. Қонуни оила ба зарурати таҳкими оила, ба бунёди муносибатҳои оилавӣ дар заминаи муҳаббату эҳтироми якдигар, кӯмаки мутақобила ва масъулияти ҳамаи аъзои оила дар назди оила, раво набудани дахолати беасоси ҳар шахс ба корҳои оила, татбиқи бемонеаи ҳуқуқ ва иҷрои ӯҳдададориҳои худ аз ҷониби аъзои оила ва имконияти ҳимояи судии онҳо асос меёбад.

Кодекси оилаи Ҷумҳурии Тоҷикистон


Дар Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон (соли 2014) масоили мубрами ҷомеаро мавриди баррасӣ ва таҳлил қарор дод. Дар паём Сарвари давлат чун як барномаи мукаммали тадбирҷӯй пешниҳод гардид ки баҳри ҳалли мушкилоти ҷомеа арзёбӣ гардидааст. Сарвари давлат бисёр масъалаҳоро хеле ҷиддӣ таҳлил намуда барои татбиқи сиёсати имрӯзаи Ҳукумату давлати Тоҷикистон дар самти иҷтимоиёт, иқтисодиёт ва фарҳангу маориф дастуру супоришҳои мушаххас пешниҳод намуд. Ва инчунин соли 2015-ро «Соли оила» эилон намуд. Сарвари давлат масъалаи издивоҷи хешовандӣ, никоҳи барвақтӣ, маърифати оиладорӣ ва коҳиш додани пошхӯрии оилаҳои ҷавонро ҷиддӣ ба миён гузошта, вобаста ба ин дастур имрӯзҳо дар ҳама корхонаю муассисаҳои давлатӣ маҳфилу чорабиниҳо доир гардида истодаанд.

Оила мактаби аввалинест,ки инсон дар он тарбият мегирад,донишу малакаи рузгордониро аз худ мекунад, ҳамзисти бо атрофиёнро меомузад,ҳамунин фарзандон,ки ҳамаруза аз ин дабистон ,ки омузгоронаш падару модар мебошад таълим мегиранд. Таъсири оила ба инкишофи минбаъдаи шахсият ҳисагузор мебошад.

Ҳар як инсон аз хурди дар дил орзуи ҳаёти хушбахтиро мепарварад вале баъри расидан ба ин орзуҳо марҳилаҳои гуногунро паси сар менамояд то ки ба озуҳо ҳадафрас бошад. Яке аз ин марҳилаҳои муҳими зиндаги бунёди оила мебошад .Ба ҳамагон маълумаст, ки оила рукни асосии чомеъа ба шумор рафта, устувории он дар заминаи муҳаббат садоқат, изату ҳурмат ва сабру тоқат имкон пазир аст. Назар кардан бар гузашта қадаме ба ояндаи нек мебошад. Агар дар гузашта ғаму андуҳ ва норасоиҳо бештар будан, ин мушкилиҳоро оромона таҳлил кардан зарур меояд. Аммо фаромуш набояд, кард, ки танҳо бо ёди гузашта зиндагӣ карда намешавад. Андешаҳои гузашта танҳо барои беҳтар намудани оянда лозим мегардад.

« Бирав зи таҷрибаи рӯзгор баҳра бигир,
Ки баҳри даъфи ҳаводис туро ба кор ояд.
»

Оиладорӣ (Аз нигоҳи Қуръон ва ҳадис)[вироиш]

Ташвиқ ба ташкили оила 1/1. Аҳамияти ташкили оила

  • 1.Паёмбари Худо (с): Дар Ислом, ҳеҷ биное сохта нашудааст, ки назди Худои Таоло, маҳбубтар аз бинои издивоҷ бошад.
  • 2. Паёмбари Худо (с): Дар чаҳор ҳангом, дарҳои раҳмати осмон кушода мешавад: ... ва дар ҳангоми издивоҷ кардан.
  • 3. Паёмбари Худо (с): Ҳар кас бар дини ман ва оини Довуд ва Сулаймон ва Иброҳим аст, агар тавони издивоҷ кардан дорад, бояд издивоҷ кунад.
  • 4. Паёмбари Худо (с): Ҳар кас оини маро дўст дорад, бояд аз суннати ман пайравӣ кунад ва аз ҷумлаи суннати ман, издивоҷ кардан аст.
  • 1. Паёмбари Худо (с): Издивоҷ кунед, зеро ман дар фардои қиёмат, ба афзунии шумо бар дигар умматҳо менозам, ҳатто ба ҷанини сиқтшудае, ки бо ҳолати қаҳру нороҳатӣ бар дари биҳишт меояд ва ба ў гуфта мешавад: «Ба биҳишт дарой!» ва ў мегўяд: «На. Намедароям, то падару модарам пеш аз ман дароянд».
  • 6. Паёмбари Худо (с): Издивоҷ кардан, аз суннати ман аст. Пас ҳар кас ба суннати ман амал накунад, аз ман нест. Издивоҷ кунед, зеро ман ба афзунии шумо бар дигар

умматҳо меболам.

  • 7. Паёмбари Худо (с): Издивоҷ кардан, суннати ман аст. Пас ҳар кас аз суннати ман рўй бартобад, аз ман нест.
  • 8.Имом Алӣ (а): Издивоҷ кунед, зеро Паёмбари Худо (с) фармуд: Ҳар кас дўст дорад, ки аз суннати ман пайравӣ кунад, бидонад, ки издивоҷ кардан, аз суннати ман аст.[1]

Инчунин нигаред[вироиш]

Сарчашма[вироиш]