Оромгоҳи Бобоқосим

Мавод аз Википедиа — донишномаи озод
Jump to navigation Jump to search
Оромгоҳи Бобоқосим
Нигора
Кишвар
Воҳиди марзию маъмурӣ Исфаҳон
Макони кунунӣ
Сабки меъморӣ Isfahani style[d]
Навъи асари бостонӣ Iranian National Heritage[d][1]
Оромгоҳи Бобоқосим дар харитаи
Оромгоҳи Бобоқосим
Оромгоҳи Бобоқосим

Бобоқосим (форсӣ: آرامگاه باباقاسم‎‎) — мақбара, зиёратгоҳ дар Исфаҳон.

Қабри Муҳаммад Бобоқосими Исфаҳонӣ, орифи садаи XIV. Соли 1324/25 яке аз муридонаш ба номи Хоҷа Саййидуддин Сулаймон ибни Шарифуддин Абиҳасан ибни Толути Домғонӣ барои вай мадрасае бино кард, ки бо номи «Имомия» низ шуҳрат дорад. Бобоқосим баъди вафоташ дар наздикии ҳамин мадраса дафн шуд ва ҳамон шогирдаш с. 1340/41 хонае бар мазори Бобоқосим бино кард, ки аз ёдгорҳои пурарзиши Эрон ба ҳисоб меравад. Бино дар рӯйи як чаҳоргӯшае қарор дорад ва пӯшиши дохили он ба сурати гунбади нимкуравӣ аст. Дар сақфи хиштии мақбара тарҳи ситораи ҳаштпари бузурге дида мешавад, ки 8 ситораи хурдро дар маркази гунбад дар бар гирифтааст. Намои берунии гунбад аз ҳарами 8-тарка иборат аст, ки ба рӯйи як гардании ҳаштгӯша қарор гирифтааст. Дар намои мақбара таркибе аз хишткорӣ ва кошикорӣ ба кор рафтааст. Катибаи болои дарро соли 1644 Муҳаммадризо Имомӣ дар давраи сафавиён бо хатти сулс навишта, номи Оқо Замонро, ки дар таъмири гунбад ширкат намуда буд, зикр кардааст. Намои иморат кошикорӣ шудааст. Чанд катиба дар намои деворҳои дохилӣ ва берунии мақбара вуҷуд дорад, ки таърихи бино ва номи усторо зикр кардаанд. Аз нуктаҳои ҷолиби таваҷҷуҳ дар ин бино, ки аз осори пешин фарқ дорад, истифодаи ранги сиёҳ дар канори рангҳои сафед ва обии равшан ва лоҷвардию қаҳварангӣ мебошад.

Эзоҳ[вироиш]

Адабиёт[вироиш]

  • دونالد نیوتن ویلبر، معماری اسلامی ایران در دورۀ ایلخانان، ترجمۀ عبدالله فریار، تهران، ۱۳۶۵ ش؛
  • آندره گدار، و دیگران، آثار ایران، ترجمۀ ابوالحسن سروقد مقدّم، تهران، ۱۳۶۵ – ۱۳۶۸؛
  • لطف اللههنرفر، گنجینۀ آثار تاریخی اصفهان، اصفهان،۱۳۴۴، ش.

Сарчашма[вироиш]