Хишт

Мавод аз Википедиа — донишномаи озод
Jump to navigation Jump to search

Хишт - яке аз маъмултарин масолеҳи бинокорӣ. Хиштро бо қолаби чоркунҷа ва баъзан дигар шакл мерезанд. Хишти қадимтарин хишти хом буд, ки бо роҳи дар офтоб хушк кардани гили дар қолаб рехта ҳосил мешуд. Намунаҳои қадимтарини хишти хомро, ки пеш аз соли 7500 то м. рехта шудаанд, аз соҳилҳои дарёи Даҷла (Сурияи имрӯза) ва дар Анатолияи ҷанубу шарқӣ (наздикии ш. Диярбакир) ёфтаанд. Дар Осиёи Ҷанубӣ (Меҳргарҳ - Покистони ҳозира) низ хишти хомро аллакай солҳои 7000-уми то милод барои хонасозӣ истифода мебурданд. Хишти пухтаро бори аввал дар шаҳрҳои водии дарёи Ҳинд барои сохтмони хонаҳо (солҳои 3000-уми то м.) ва Чин (бошишгоҳи Чентоушан - солҳои 4400 то м.) барои рӯйпӯш кардани фарши хонаҳо истифода кардаанд. Хишт барои бунёд намудани биноҳо ва сохтани қасрҳо сохта мешавад, онро аз гил бо омезиши масолеҳи иловагӣ (коҳ, рег, боқимондаи моддаҳои кимиёвӣ ва ғайра) омода мекунанд. Намуд, андоза ва шакли хишт гуногун шуда метавонад. Хишти пухта яке аз масолеҳи сохтмонии пурқувват ва дерпоянда мебошад.