Роберт Вентури

Роберт Вентури
Роберт Вентури
	англ. Robert Venturi
Иттилооти асосӣ
Мамлакат	Иёлоти Муттаҳидаи Амрико;
Таърихи таваллуд	25 июни 1925[…]
Зодгоҳ	Филаделфия, Пенсилвания, Иёлоти Муттаҳидаи Амрико;
Таърихи даргузашт	18 сентябри 2018[…] (93 сол)
Маҳалли даргузашт	Филаделфия, Пенсилвания, Иёлоти Муттаҳидаи Амрико;
Таҳсил:	Princeton University School of Architecture[d]; Episcopal Academy[d]; American Academy in Rome[d];

Роберт Вентури (англ. Robert Venturi, 25 июни 1925^[2]^[3]^[4]^[…], Филаделфия, Пенсилвания, Иёлоти Муттаҳидаи Амрико^[3] — 18 сентябри 2018^[3]^[5]^[6]^[…], Филаделфия, Пенсилвания, Иёлоти Муттаҳидаи Амрико^[3]) — меъмори амрикоӣ ва назарияпардози риштаи ҳунар, яке аз поягузорони постмодернизм.

Дар мактаби меъмории Донишгоҳи Принстон (1947-50) ва Академияи амрикоии ш. Рим (1954-56) таҳсил намудааст. Дар ширкатҳои меъмории О. Стоноров, Э. Сааринен ва Л. Кан (1950-58) кор кардааст. Соли 1964 (ҳамроҳ бо Ҷ. Раух) ширкати хусусии хешро таъсис дод. Аз соли 1980 ширкат номи «Вентури, Раух ва Скатт Браун»-ро гирифт. Роберт Вентури дар меъмориҳои хеш бо дар назар доштани унсурҳои меъмории суннатӣ сабки равияҳои мухталифро огоҳона бо ҳам омезиш медод (Гилд-ҳаус, манзил барои пирсолони бепарастор дар Филаделфия, 1960-65; хонаи хусусӣ барои модари Вентури дар Честиат-Ҳилл, Пенсилвания, 1962; Брант-ҳаус дар Гринвич, иёлати Коннектикут 1971-73) ё равиши тарроҳии нозуконаро, ки намегузошт кори сохт мон табдил ба як қонуни эстетикии бебаҳс шавад, пеш мегирифт.

Корҳо

Бо мурури солҳо ин равиш дар хотираҳои таърихӣ ривоҷ пайдо кард, ки чанде аз корҳои ӯ ба ин намунаанд: факултаи гуманитарӣ ва улуми иҷтимоӣ дар Донишгоҳи давлатии Пейчаз, иёлати Ню-Йорк (1968—1978), депои сӯхторнишонии Ню-Ҳейвен (1970), муҷтамеи меъмории Б. Франклин дар Филаделфия (1972-70), биноҳои нави осорхонаҳои Оберлин (1974-77), Остин (1983), Сиэтл (1985), Сан-Диего (1986-96), иморати нави Нигористони миллии Лондон (1989-91). Роберт Вентури дар таърифоти назариявии хеш ба рангорангии бадеӣ даъват кардааст, ки он тафовут миёни ҳунари «афзал» ва «ноафзал»-ро аз байн мебарад.

Эзоҳ

↑ https://www.moma.org/artists/6132 (ингл.)
1 2 RKDartists (нидерл.)
1 2 3 4 5 6 7 8 https://www.nytimes.com/2018/09/19/obituaries/robert-venturi-dead.html
1 2 Structurae (ингл.) — Ratingen: 1998.
1 2 Brockhaus Enzyklopädie (нем.) — F.A. Brockhaus, 1796.
1 2 Bibliothèque nationale de France идентификатор BNF (фр.): платформаи додаҳои боз — 2011.

Адабиёт

Вентури Роберт // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.

[_b53379d7342c8cc5-1] ttps://www.moma.org/artists/6132 (ингл.)

[_e0190bd4f6b8f62c-2] 1 2 RKDartists (нидерл.)

[_0851adf564e398a3-3] 1 2 3 4 5 6 7 8 https://www.nytimes.com/2018/09/19/obituaries/robert-venturi-dead.html

[_bc65d3f6d5b9962c-4] 1 2 Structurae (ингл.) — Ratingen: 1998.

[_65928b44983891c2-5] 1 2 Brockhaus Enzyklopädie (нем.) — F.A. Brockhaus, 1796.

[_5ba1f5d8662a945e-6] 1 2 Bibliothèque nationale de France идентификатор BNF (фр.): платформаи додаҳои боз — 2011.

[1]

[2]

[3]

[4]

[5]

[6]