Рустам Комилов

Рустам Комилов
Комилов Рустам Саъдуллоевич
Таърихи таваллуд	1 декабр 1963(1963-12-01) (61 сол)
Зодгоҳ	ноҳияи Орҷонкидзеобод, НТҶ, ҶШС Тоҷикистон, ИҶШС
Кишвар	Тоҷикистон
Дараҷаи илмӣ:	доктори илмҳои фалсафа[d] (1999)
Алма-матер	Донишгоҳи миллии Тоҷикистон (1985) Донишгоҳи омӯзгории Тоҷикистон (1992)

Рустам Комилов (Комилов Рустам Саъдуллоевич; зод. 1 декабр 1963, ноҳияи Орҷонкидзеобод, НТҶ) — шарқшинос ва файласуфи тоҷик, доктори илмҳои фалсафа (1999), профессор, Аълочии маорифи Тоҷикистон (2001).

Зиндагинома

Рустам Комилов 1 декабри 1963 дар ноҳияи Орҷонкидзеобод ба дунё омадааст. Хатмкардаи факултаи филологияи тоҷики Донишгоҳи давлатии Тоҷикистон ба номи В. И. Ленин (1985) ва аспирантураи Донишкадаи давлатии омӯзгории Тоҷикистон (1992) аст.

Коронома

Муаллими мактаби миёна (1985—1987), омӯзгори кафедраи фалсафа ва сиёсатшиносии Институти давлатии санъати Тоҷикистон (1988—1989), омӯзго­ри кафед­раи таърихи фалсафаи ДДМТ (1992—1994), дотсент (1995—2001) ва профессори кафед­раи уму­мидо­ниш­го­ҳии фалсафаи ДМТ (2001), мудири кафедраи фалсафаи Институти фалсафаи АИ Ҷум­ҳу­рии Тоҷикистон (2002—2005), профессори кафедраи фалсафаи ДМТ (аз соли 2005).

Фаъолияти илмӣ

Доираи таҳ­қи­қо­ти Рустам Комилов таърихи афкори фал­са­фӣ, иҷтимоӣ ва сиёсии хал­қи тоҷик, таърихи фалсафаи илм, фалсафаи ҳуқуқ, дин, сиё­сат ва сухан­ши­носӣ буда, муаллифи беш аз 200 кори илмӣ, методӣ ва оммавӣ мебошад.

Таҳ­ти роҳ­барии Рустам Комилов 3 нафар рисолаи ном­задӣ дифоъ кардаанд.

Осор

• Таълимоти иҷтимоӣ-ор­мо­нӣ дар таърихи фалсафаи аср­ҳои 13-15 тоҷик. Д., 1993;
• Мух­тасари таърихи адён. Д., 1995;
• Сайре дар олами иқтисодии ҷаҳони ислом. Д., 1996;
• Назарияи ҷомеаи ормонӣ дар таърихи фар­ҳанги фор­су тоҷик: аз аҳди бос­тон то қарни 16. Д., 1997;
• Аз таъ­рихи афко­ри иҷтимоӣ-сиёсии аҳди Сомониён. Д., 1998;
• Фарҳанги мухтасари ҷаҳонбинӣ. Д., 2002;
• Фалсафаи ҳуқуқ. Д., 2005;

• Фалсафаи илм (ҳам­муаллиф). Д., 2008.

Адбиёт

• Комилов Рустам / А. Раҳмонқулов // Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов. — Д. : СИЭМТ, 2011—2023.

• Энсиклопедияи олимони Донишгоҳи давлатии миллии Тоҷи­кис­тон. Д., 2008;
• Фалсафаи тоҷик аз аҳди бостон то имрӯз. Д., 2011.